கவித்தமிழ்

மனிதம் மரத்து விட்டது..

2011-06-22T19:17:00.000-07:00

மனிதம்

மரத்து விட்டது..

'மரத்'தமிழனுக்கு..!

இதயத்தின் ஈரம்

வறண்டு விட்டது

இன்றைய

இளைஞனுக்கு..

தியேட்டர்களுக்கு மட்டுமல்ல

கோவில்களுக்கு கூட

குடும்பத்தோடு

செல்ல முடியாமல்

நம் குடும்பங்கள்..!

மனிதம்

மரத்து விட்டது..

'மரத்'தமிழனுக்கு..!

சினிமா இவர்களைக்

கெடுக்கிறதா?

சிந்திக்கும் தன்மை இழந்தவனை

திருத்த முடியுமா..?

கெடுக்கவும் முடியுமா..?

இருந்தாலும்..

சினிமா இவர்களுக்கு

கற்றுக்கொடுக்கிறது..!

பணம் பன்னும்

தயாரிப்பாளர் வீட்டிலும்

படமெடுக்கும்

இயக்குனர் வீட்டிலும்

ஒரு கொலை

ஒரு கற்பழிப்பு

ஒரு களவு..

நடந்தால்

நிலைமை மாறலாம்..!

மனிதம்

மரத்து விட்டது..

'மரத்'தமிழனுக்கு..!

ஒரு உண்மை மட்டும்

இன்னமும் என்னுள்

ஊமையாக..

விளங்கிக் கொள்ள முடியாத

மரபுக் கவிதையாக..!

இவர்களுக்கும்

குடும்பம் உள்ளது..

பெற்றவர் இருக்கின்றனர்..

இவர்கள் போக்கு

பெற்றோருக்குத் தெரியாதா?

விளையும் பயிர்

முளையிலேயே தெரியாதா?

பேணி வளர்க்கத் தெரியாதவர்களுக்கு

எத்தனைக் குழந்தைச் செல்வங்கள்..?!

இல்லை

இதுவும் இறைவனின் சதியா?

பிரச்சனைகளே இல்லை என்றால்

அரசியல் தேவை இல்லை!

எல்லோரும் நல்லவர்களானால்

இறைவனுக்கே

இங்கே வேலையில்லை!!

மனிதம்

மரத்து விட்டது..

'மரத்'தமிழனுக்கு..!

திருமூலரும்

திருவள்ளுவரும்

தோன்றிய தோன்றலில்

இன்று

எத்தனை திருடர்கள்..

எத்தனை அசுரர்கள்..!!

வேடிக்கை..

ஆனால் உண்மை..

தமிழனுக்கு இளப்பம்

தமிழன்தான்!

தாலியில் கூட

தங்கத்தையே பார்க்கும்

திருடர் கூட்டம்..

திருமணங்களில்

புகைப்படம் எடுத்து

ஆதாரத்தோடு

நகைகளை திருடும்

நவீன

திருடர் கூட்டம்..!

வயதான மாதர்களையும்

விட்டு வைக்காத

காமுகர் கூட்டம்..

வீட்டிலே தனக்கும்

தமக்கை அக்காள்

இருப்பதை மறந்து

கலாச்சாரத்தை கற்பழிக்கும்

காமுகர் கூட்டம்..!

திருடனுக்கு கை வெட்டப்படும்

தண்டனை உண்டு

மத்திய கிழக்கில்..

காமுகனுக்கு ‘அது’

வெட்டப்படும் சட்டம் வருமா

நம் மக்களின் வழக்கில்..?!

மனிதம்

மரத்து விட்டது..

'மரத்'தமிழனுக்கு..!

திருவிழாக்களில்

தெய்வ தரிசனம் போய்

அடியாட்கள் தரிசனம்..!

திருவிழாக்களில்

மறுபடியும்

நரபலிகள்..!

இவர்கள் நவீன

சித்தர்களோ..?

மனிதம்

மரத்து விட்டது..

'மரத்'தமிழனுக்கு..!

K.கிருஷ்ணமுர்த்தி

இளமையின் தொல்லை...!

2011-06-20T07:17:00.000-07:00

உன்,
உதடுகளின் ஊடே
உயிரை உறிஞ்சிய
அந்த சில
உன்னத நிமிடங்கள்...

என்,
விரகக் கரங்களில்
கனிந்த மார்போடு
நீ..
அயர்ந்திருந்த
அந்த ஒரு சில
நிஜத்தின் நிமிடங்கள்...!

என் காதருகே..
உன் ஏகாந்த
மென் குரலால்
கவி பாடிய..
அந்த ஒரு சில
நொடிப் பொழுதின்
நகல்கள்..

இன்னமும்
என்
இதய கேமராவில்...!

நீ ஒரு புதுக்கவிதை..
மரபிலிருந்து
சற்றே மாறுபட்டதால்..!
உன்
நிரந்தர இரசிகன் நான்..!

வெறுத்து விடாதே
கண்மணி
என் விரல்களை
மட்டும்..

துடிப்பான
விரல்கள் அவை..
எல்லைகளை
எல்லை மீறி தாண்டினாலும்..
உணர்ச்சிகளை
உன் ஒத்துழைப்போடு தூண்டினாலும்..
ஒரு போதும்
வெறுத்து விடாதே என்
விரல்களை மட்டும்...!

உணர்ச்சிகளை தூண்டவும்
அதே விரல்கள்தான்
உணர்வற்ற
உடலை எரிக்கவும்
அதே விரல்கள் தான்..!

கத்திருக்கிறேன் கண்மணி..
உன் ஏகாந்த இளமையை..
என்னுள் இணைத்துவிட
துடிக்கிறேன் கண்மணி..!

உன்
இளமையின் கதகதப்பில்..
இதயத்தின் படபடப்பில்..
உணர்ச்சிகளின் படையெடுப்பில்..
உள்ளத் தவிப்புகளின் விடையளிப்பில்..
உறவாடும் அந்த
உன்னத நாளை எதிர்பார்த்து..
காத்திருப்பேன் கண்மணி..!

அவசரமில்லை..
அமைதியுமில்லை..!

அந்த இன்பத்தில்
நீ முகிழ்ப்பதை..
துடிப்பதை..
உணர்வுகளின் உச்சத்தில்
நீ வெடிப்பதை..
ஒரு கணம்..
பார்த்து இரசிக்க வேண்டும்..

காத்திருப்பேன் கண்மணி..!

இது அவசரமில்லை..
இளமையின் தொல்லை..!
என்ன செய்வது..
இனிமேல்
ஆவலைச் சொல்ல
வார்த்தையும் இல்லை...!!!

- K .கிருஷ்ணமூர்த்தி

பிஞ்சுகள்..

2011-06-18T17:21:00.000-07:00

அழகான

வண்ண வண்ணக்

கனவுகள்..

எழுதாத

சின்னச் சின்னக்

கவிதைகள்..

மலராத

மல்லிகைப் பூவின்

மொட்டுகள்..

மனதோடு

வருடிச் செல்லும்

மெட்டுகள்..

பிழையில்லா ராகங்கள்..

மழையில்லா மேகங்கள்..

கலையாத

வெள்ளைப் புள்ளிக்

கோலங்கள்..!

தளிர் போன்ற

மேனிகள்..

பின் நாளில்

ஞானிகள்..

எதிர்காலம்

ஏந்திச் செல்லும்

எழில்மிகுந்த

தோணிகள்..!

சிரிக்கின்ற சிற்பங்கள்..

சிதையாத சந்தங்கள்..

கவலைகள் ஏதும் இல்லா

சின்னச் சின்ன தெய்வங்கள்..!

குறையாத குறும்புகள்..

அழகான அரும்புகள்..

பனி தூங்கும்

பஞ்ச வர்ண புஷ்பங்கள்..!

முள்ளில்லா ரோஜாக்களை

தனியே விடலாமா?

முள்ளாக குத்தும் விரல்களை

சும்மா விடலாமா?

பிஞ்சான நெஞ்சங்களில்

நஞ்சை விடலாமா?

கண்ணீரில்,

இவர்கள் கதையை

கரைத்து விடலாமா..?

ஏனிந்த வேதனை?

தீரட்டும் சோதனை..

இனி வேண்டாமே

இதுபோல் என்றும் பூமியில்..!

பொல்லாத பூமியில்..

பூக்கின்ற பூக்களை..

மனம் போல

வாழக் கொஞ்சம்

வழிவிட்டுச் செல்லுங்கள்..!

K.கிருஷ்ணமூர்த்தி

சுயநல ஒப்பாரி

2011-06-07T07:08:00.000-07:00

இறந்த சடலத்திடம்
எத்தனைக் கேள்விகள்?
*
கண் திறந்து பாரடா மகனே..!
பத்து மாதம் சுமந்து பெற்றேன்..
ஈ கொசு அண்டாமல்
இமைபோல் காத்தேன்..
ஊரே பழித்தாலும்
உனக்காய் வாழ்ந்தேன்..
யாரும் இனி எனக்கில்லை..
மாதாவை தனியே விட்டு
மாய்ந்தாயே மகனே??

சோறூட்டிய கைகளில் வாய்க்கரிசி
பாலூட்டிய மார்பினில் செங்குருதி..
இந்த தள்ளாத வயதினில்,
தவிக்க விட்டுச் சென்றாயே..
கண் திறந்து பாரடா மகனே..!
இது தாயில் அலறல்..
*
காடு மனையெல்லாம் வித்தேன்
கடன் வாங்கி படிக்க வைச்சேன்..
சேம நிதி கூட எடுத்து- உன்
திருமணத்தை நடத்தி வைச்சேன்..
இப்படி திடுதிப்புன்னு செத்துப்போனா..
பட்ட கடனை எப்படி அடைப்பேன்!

ஐயா.. ராசா..!
இப்படி திடுதிப்புன்னு செத்துப்போனா..
நான்
பட்ட கடனை எப்படி அடைப்பேன்?
பதில் சொல்லிப் போ மகனே..!!
இது தந்தையின் புலம்பல்..
*
பெத்தவங்க,
கூடப் பொறந்தவங்க..
சாதி சனம் எல்லாரையும்
மறந்து வந்தேன்..
நீ ஒருத்தனே கதியென்று
உன்னோடு பறந்து வந்தேன்..!

வயித்தில வளரும் கரு
ஆணா பெண்ணா
அறியுமுன்னே..
என்னை நட்டாற்றில்
விட்டுச் சென்றாயே..!

நரம்பில்லாத நாக்கு
என் ராசியை குறை சொல்ல
தாலியை பறித்துச் சென்றாயே!

ஏழு ஜன்மமும் கூட வருவேன்னு
என் மேல சத்தியம் செய்த கை
குப்புறக் கிடக்குதிங்கே
ஐயோ..!
என் குடிகெட்டு போயிருச்சே!

வாக்குறுதி தந்த வாயில
வாக்கரிசி போட வைச்சு
வாழ்வை தேடி வந்த எனக்கு
விதவைச் சாயம் பூசியதென்ன?

ஐயோ..

இந்த கேள்விக்கும் உன் பதில்

மௌனம் தானா??!

இது மனைவியில் கதறல்..

*
இறந்த சடலத்திடம்
எத்தனைக் கேள்விகள்..?
எத்தனை குற்றச்சாட்டுகள்..??

ஆவியாகிய ஆன்மாவிடம்
எத்தனை புலம்பல்கள்?!
எத்தனை பழிச்சொற்கள்..?!

சொர்க்கம் சேர வேண்டி
ஒரு பக்கம்
சாங்கியம் நடக்கிறது..
பதில் தர வேண்டி
மறு பக்கம்
ஒப்பாரி ஒலிக்கிறது..!
சுயநல
ஒப்பாரி ஒலிக்கிறது..!!
*
இறைவா..
உன்னிடம் ஒரு வேண்டுகோள்…
இங்கு யாரும்
பிரேதத்தைப் பார்த்து
பெருமை பாடுவதில்லை..!

சுயநல மனிதர்கள்
செத்த பிறகும் ஆன்மாவை
விட்டு வைப்பதாயில்லை!

இங்கே,
ஒப்பாரி பட்டியலில்
ஆறுதல் வார்த்தையை விட
ஆத்திரக் கேள்விகளே அதிகம்..!

ஆன்மாவின் வழியனுப்பலை விட
அவரவர்
வயிற்றெரிச்சலே அதிகம்..!!

அதனால் இறைவா..
உயிர் பிரியும்போது மட்டும்
ஆன்மாக்களை
கொஞ்சம் செவிடாக்கி விடு..!

-K.கிருஷ்ணமூர்த்தி

காதல்

2011-02-16T19:30:00.000-08:00

காதல்

மனிதனை
பதப்படுத்தும்
பண்படுத்தும்
புண்படுத்தாது..

அது
மனித நேயத்தை
பலப்படுத்தும்
இதப்படுத்தும்..
இடர் படுத்தாது..!

ஆண்பால் பெண்பால்
கலப்பதா காதல்?
அன்பால் இருபால்
இணைவதே காதல்!

வன்முறை களையும்
காதல்
வேறுபாட்டை வெறுக்கும்
காதல்..!
கடவுளையும் வெல்லும்
காதல்..
அந்த காதலை வென்றார்
யாரோ?!

-K.கிருஷ்ணமூர்த்தி

சொல்லடி சிநேகிதி..

2010-12-22T06:16:00.000-08:00

சொல்லடி சிநேகிதி..

உன் உதடுகள்
என்ன..
சிக்கி முக்கி கற்களா?
ஒன்றை ஒன்று உரசுகையில்
உள்ளுக்குள் தீப்பிடிக்கின்றதே!

நீ..
மெதுவாய் புன்னகை செய்தாலும்
என் இருதயம் என்னவோ
எட்டு மடங்காய் துடிக்கிறது..

என்
வியாதியும் நீ
மருந்தும் நீ..

உன்
உதட்டு முத்தமும்..
உணர்வின் மொத்தமும்..
சிரிப்பின் சத்தமும்..
சில்மிஷம் தரும் பித்தமும் தானடி
என் மருந்துச் சீட்டு!
அதை
உன் நிலைக்கண்ணாடியில்
எழுதி மாட்டு!!!

மெல்லிசைப் பூவே..

உன் இமைகள் அசைந்தால்
என்னுள் வயலின்
மோகனம் இசைக்கிறது...

உன் இதழ்கள் நெளிந்தால்
என்னுள் புல்லாங்குழல்
டிஜிட்டலில் கேட்கிறது..

உன் சிணுங்கள் மட்டும்
என்ன ராகம்..?
புரியவே இல்லை!

சிரிப்பழகி என்று சொன்னேன்...
சிரித்துக் கொண்டே இருக்கிறாள்..!
சரி சரி..
சிரிக்காவிட்டாலும் நீ
அழகுதான்..
சிரிப்பு நிற்பதாயில்லை!!!

தூரிகைப் பெண்ணே..

உன் விரல்களின் தீண்டல்..
என்னுள்
விழுதுகளாக..

உன் இதழ்களை தின்னும்
எண்ணம்
விரதங்களாக..

என் தமிழ்ப் பசிக்கு
தீனியே நீதானடி!

சொல்லடி சிநேகிதி..

என்னள் இருக்கும்
எண்ணங்கள்
எழுத்துக்களாக..

உன்னள் இருக்கும்
உண்மைகள்..
என்றும் ஊமையாக..!

சொல்லடி சிநேகிதி..

புன்னகை மட்டுமே பதில் என்றால்
சங்கத் தமிழ் ஏதுக்கடீ?!

-கிருஷ்ணமுர்த்தி

அத்வைத தாம்பத்யம் (9)

2010-11-30T20:03:00.000-08:00

அத்வைத தாம்பத்யம்
பக்தி யோகம் 9

தொடர் தவம் செய்த
துறவிகள் இருவர்..

இறைவனை அடைய விரும்பும்
இதயங்கள் இரண்டு..

சமுதாயச் சாக்கடையை
சுத்திகரிக்க நினைக்கும்
சிந்தனையாளர் இருவர்..

அரசியல்வாதிகளால் அவதிப்படும்
சாதாரன தமிழர்கள் இருவர்..

சாவகாசமாக சந்திந்தால்
என்ன பேசுவார்களோ
அதைத்தான்...
எட்டு மணி நேரம் பேசினோம்..!

கடவுள் இருக்கிறாரா?
கடவுள் யார்??
சனாதன தர்மமா? இந்து மதமா?
எம்மதமும் சம்மதமா?

மதம் எனும் மதம் பிடித்த
'மனிதர்களை'
என்ன செய்வது?
ஒரு தனி மனிதனின் கடமைகள் என்ன?

அற்ப அரசியல் இலாபத்துக்காக
சமுதாயத்தின் தன்மானத்தை
கதற கதற கற்பழிக்கும்
'தலை'வர்களை என்ன செய்யலாம்?

அரசியல் கட்சியே இல்லாமல்
சிங்கப்பூர் தமிழர்கள்
சிறப்பாக இருக்கின்றன்ரே?
அதெப்படி??

இப்படி..
இன்னும் என்னென்னவோ
பேசினோம்..

உள்ளத்தில்
காதல் பூத்திருந்தாலும்
உதட்டில் உணர்ச்சிகள்
கொளுந்து விட்டு எரிந்து
கொண்டிருந்தாலும்..

இரத்தம் கொஞ்சம் கொஞ்சமாய்
சூடாகி
சுட்டுக்கொண்டிருந்தாலும்..

எட்டு மணி நேரம்
எதார்த்தமாகத்தான்
பேசிக்கொண்டிருந்தோம்..!

இடையே
திடீரென்று ஒரு கேள்வி கேட்டாள்..
என் சீதாலட்சுமி..!

ஆம் அவளின்
முழு பெயர் சொல்லி அழைப்பதில்தான்
அலாதிப் பிரியம் எனக்கு!

"விதி என்றால் என்ன?
விதியை மதியால் வெல்ல முடியுமா?"

அவளை உற்று நோக்கினேன்..

"நிறைய பேருகிட்டே கேட்டுவிட்டேன்..
திருப்தியான பதில் கிடைக்கலை.."

காயத்ரீ தந்து
மந்திரங்களை குருக்கிய
விசுவாமித்திரனே..

ஆங்கிலேயனுக்கும்
சன்மதத்தை மொழிபெயர்த்த
விவேகானந்தனே..

மனிதகுல மயக்கத்தை போக்க
மகா மந்திரங்களை தந்த
திருமூலக் கடவுளே..!

இரண்டே அடிகளில்
இயற்கையை விளக்கிய
திருவள்ளுவரே..!

எங்கே போய்விட்டீர்கள் எல்லோரும்..
ஏன் எனக்கு இந்த சோதனை..?!
தேவைதானா எனக்கு இந்த வேதனை..???

ஆயிரம் கேள்விகள் உள்ளுக்குள்
அலையாய் பாய்ந்தாலும்..
அவளின் கேள்விக்கு
அவளுக்கு புரியும் வண்ணம்..
பதில் சொல்ல வேண்டிய
கடமை இருப்பதை உணர்ந்தேன்..
காதலுக்கு உரமிட.. !!!

-K.கிருஷ்ணமூர்த்தி

(அந்த கேள்விக்கு எனது பதில் அடுத்த அத்தியாயத்தில்)

ஸ்மைல் ப்ளீஸ்..

2010-09-14T08:32:00.000-07:00

காலை வணக்கம்..
உன் உதட்டோரப் புன்னகைக்காய்
உதய சூரியன் ஏங்குகிறான்..
தன் பணியை செய்யாமல்
சோர்ந்து கிடக்கிறான்..
ஸ்மைல் ப்ளீஸ்..

இன்று

சூரியன் உதித்தது

உனக்காகத்தான்..

இனி

âì¸û ÁÄ÷ÅÐõ

¯Éì¸¡¸ò¾¡ý..

¯ý ÒýÉ¨¸ Ó¸ò¨¾ ¸¡½ò¾¡ý..

Š¨Áø ôÇ£Š..

¿ñÀ¸ø..

ÝÃ¢Âý

Íð¦¼Ã¢òÐì¦¸¡ñÊÕì¸¢ýÈ¡ý..

¸¡Ã½õ §¸ð§¼ý..

¿£ «ÅÛìÌ,

ÒýÉ¨¸ À¡ì¸¢ ¾Ã§ÅñÎÁ¡õ..

Š¨Áø ôÇ£Š..

மாலை..

இí§¸,

´Õ §Ã¡ƒ¡î¦ºÊ «ØÐ¦¸¡ñÊÕì¸¢ÈÐ..

¸¡Ã½õ §¸ð§¼ý..

நீ இýÉÓõ º¢Ã¢ì¸வே இø¨ÄÂ¡õ!

ப்ளீஸ்ஸ்..

Š¨Áø ôÇ£Š..

அன்பே..

¯ý ÒýÉ¨¸ ®÷ôÀ¢ø

ÒÅ¢ ®÷ôÒ Ü¼ §¾¡üÈ¾Ê..

¯ý ¿ðÀ¢ý º¢Ã¢ô¦À¡Ä¢Â¢ø

¿¡Ê ¿Ãõ¦ÀøÄ¡õ ¯Â¢÷ìÌ¾Ê..

உன் புன்னகையால்..

இரவில்

சுட்டெரித்த சூரியன்

குளிர் நிலவானான்..!

ப்ளீஸ்ஸ்..

தினமும்.. ஸ்மைல் ப்ளீஸ்ஸ்..

-K.கிருஷ்ணமூர்த்தி

அத்வைத தாம்பத்யம் (8)

2010-08-14T00:22:00.000-07:00

பக்தி யோகம் 8

±ðÎ Á½¢ §¿Ãõ

±ýÉ §Àº¢§É¡õ??

¸¡¾ø ÀüÈ¢Â

¸ÄóÐ¨ÃÂ¡¼Ä¡?

Ò¾¢Â À¼í¸û ÀüÈ¢Â

ÒÄõÀÄ¡?

¿ñÀ÷¸û ÀüÈ¢Â

¨¿Â¡ñÊÂ¡?

þø¨Ä..

¸øÅ¢Â¢ý §Áø¦¸¡ñ¼

¸Ã¢ºÉÁ¡??

«Åû «Æ¨¸ ¦Áîº¢

«À¢§„¸Á¡?

«Åû ÌÃ¨Ä ¦Áîº¢

¦¸¡ïºÄ¡?

«Åû ¯¨¼¨Â ¦Áîº¢

¯ÇÃÄ¡??

þø¨Ä..

¯½÷îº¢¸Ç¢ý ¦¸¡î¨º

¸¢Ç÷îº¢Â¡??

±Ð×§Á þø¨Ä..

±ðÎ Á½¢ §¿Ãõ- «ôÀÊ

±ýÉ¾¡ý §Àº¢§É¡õ??

- À¾¢ø «Îò¾ þÎ¨¸Â¢ø

- K.¸¢Õ‰½ã÷ò¾¢

அத்வைத தாம்பத்யம் (7)

2010-05-09T09:30:00.000-07:00

பக்தி யோகம் 7

நூலக நிசப்தத்தின் நடுவே..

எழுதிக் கொடுத்த
'வாழ்க்கை'யை
எழுத்துக் கூட்டிப்
படித்துக்கொண்டிருந்தாள்..

பல்கலைக்கழகத்தில்
எத்தனையோ
ஆங்கிலப் புத்தகங்களில்
ஆங்கில வார்த்தைகளை
தமிழ்ப் படுத்தி படித்திருக்கிறேன்..

அன்றுதான்..

தமிழ் வார்த்தைகளை
ஆங்கிலப் படுத்தி
படிக்கவும் ஆளிருக்கிறதென்று
பெருமிதம் அடைந்தேன்..!

அதற்கு மேலும்
எட்டி நின்று பார்க்காமல்
அருகில் சென்றேன்..

நாணம்..

அந்த ஒரு சொல்லின்
சுயரூபம்
அன்றுதான் முழுதாய்
விளங்கியது!

புன்னகை பூக்கும்
அவள்
அழகு அதரங்கள்
தொட்டாற் சிணுங்கி போல
சுருங்கிக் கொண்டன..

தமிழ் தெரியாமல்
தவித்த கவிதைக்கு
என் கவிதையை
நானே மொழி பெயர்த்தேன்..
நின்று கொண்டே..

கவிதை பேசியது..
"உட்காருங்களேன்.."

"நான் உட்கார்ந்தா
ரெண்டு மணி நேரம்
என்கூட பேசனும்..
முடியுமா..??"

சரி என்று புன்னகை
பதிலளித்தாள்..

அன்று
எங்கள் அளவளாவல்
எட்டு மணி நேரம்
நீடித்தது..!!!

-அளவல் தொடரும்..
K.கிருஷ்ணமூர்த்தி

அத்வைத தாம்பத்யம் (6)

2010-03-16T21:19:00.000-07:00

பக்தி யோகம்
பகுதி 6

பல்கலைக்கழக
பொங்கல் இதழில்
பிரசுரமான
என்
கவிதை
“தமிழைப் புறக்கணிக்கும்
தலைமைத்துவம்..”

கேத்தரின்
அதைப்படிக்க
கேட்டு நெகிழ்ந்திருக்கிறாள்
சீதா..

“ரொம்ப நல்லா இருந்திச்சி”
அவள் சொன்ன
அந்த மூன்று வார்தைகளில்
சாகித்திய அகாடமி
பெற்றேன்..!

“எனக்கும் ஒரு கவிதை எழுதுவிங்களா?”

“காத்திருக்கிறேன்”
என்று
உள்ளூர சொல்ல நினைத்தாலும்
அமைதியாக கேட்டேன்..
“எதைப் பத்தி எழுத?”

“வாழ்க்கை..”

காதலை கேட்பாள்..
அல்லது
இயற்கையை கேட்பாள்
என்றெல்லாம் எண்ணிய
எனக்கு..

வாழ்க்கையை
அவள் கவிதையாக கேட்டது
ஆச்சர்யம் அளித்தது..

“நாளைக்குத் தர்றேன்..”
என்றேன் அமைதியாக..

ஒரு நாளில் எழுதுவது
சாத்தியமா
என்று வியந்தாள்..

இப்படி ஒருத்திக்கு
கவிதை எழுதிக் கொடுக்க..
ஒரு நாள் தேவையா?
கவிதை உலகம் பழிக்குமே
என்று
வருந்தியது
அவளுக்கு தெரிய ஞாயமில்லை..!

அன்றைய
அலுவல்களை
அப்படியே விட்டுவிட்டு
‘வாழ்க்கையை’ வடிக்கத்
தொடங்கினேன்..

சில மணி நேரங்களில்
‘வாழ்க்கை’
காகிதத்தில் கனிந்து நின்றது!

*****
இன்னமும் விடியவில்லை..
விழிகளில் துளியும்
உறக்கமுமில்லை..

சூரியக் கிரணங்கள்
பூமியைத் தொடும் முன்னே
என் கால்கள்
நூலகத்தை தொட்டுவிட்டன..

இளஞ்சூரியனின்
சிகப்புச் சிதறல்கள் நடுவே
வானவில்லை அணிந்த
அதே நிலவு
நெருங்கி வந்தது..

என்ன அழகு..
தென்குமரி சூரியோதயம்
தோற்றுவிடும்!

புன்னகை கூட
பேரின்பம் என்று
அன்றுதான் உணர்ந்தேன்..

அந்த புன்னகையின்
விலையாக
கைகளில் கொண்டுவந்த
என்
‘வாழ்க்கையை’
அவளிடம்
அன்றே கொடுத்துவிட்டேன்..!

-‘வாழ்க்கை’ தொடரும்
-K.கிருஷ்ணமூர்த்தி

(இந்த கவிதையில் காணப்படும் கவிதைகள், “தமிழைப் புறக்கணிக்கும் தலைமைத்துவம்”, “வாழ்க்கை” ஆகிய இரண்டு கவிதைகளும் எனது வலைப்பூவில் இருக்கின்றன.)

அத்வைத தாம்பத்யம் (5)

2009-11-27T09:00:00.000-08:00

பக்தி யோகம்
பகுதி 5

‘நிலவின்’ நினைவுகளோடும்
நிஜங்களின் கனவுகளோடும்
நகர்ந்த
அந்த இரவுகளில்
நித்திரை நிர்மூலமாகிவிட்டது
நிரந்தரமாக..!

“யாரவள்??
ஏன் என்னிடம் முகம் சுளித்தாள்..??”

எப்படி யோசித்தாலும்
முடிவு ஒன்றுதான்..
எப்படியாவது பேசிவிடவேண்டும்
அவளிடம்..!

இமைகள் இளைப்பாறும்
முன்னே
சேவல் கூவியது..
இரவு நிறம் மாறும்
முன்னே
ஆவல் மீறியது..!

விடிந்தும் விடியாத
பொழுதில்
வேட்டைக்குக் கிளம்பும்
நாய்போல..
அவள் நினைவுகளால்
வேகமாய் நடந்தேன்..
நூலகத்தைத் தேடி..

வகுப்புக்களுக்குச் செல்லாதது
வாடிக்கையாகி விட்டதால்..
அன்றும்
வாசற்படி தவம்..!

சிற்றுண்டியைக் கூட
மறந்துவிட்டு..
வார்த்தைகளை
செதுக்கிக் கொண்டிருந்தேன்..

அவளிடம்
என்ன பேசுவது..?

பேசுவாளா..?
இல்லை..
பேசாமல் ஏசுவாளா?
இல்லை..
கண்டும் காணாமல்
என்னைக் காயப்படுத்துவாளா..?

அன்றுவரை..
எந்த பெண்ணிடமும்
பேசியதில்லை நான்..
பேசிய பெண்களையும்
மதித்ததில்லை..!

இன்று மட்டும்,
அவளின் மொழி கேட்க
ஏன் இந்த தாகம்..?
அவளின் விழி நோக்க
ஏன் இந்த தாபம்..?

இளமையின்
இரத்ததின் வெப்பம்
உயிரைச்
சொட்டு சொட்டாய்ச்
சுடும் வலி உணர்ந்தேன்..
அந்த வலியில்
ஒருவித
சுகம் கண்டு வியந்தேன்..

அன்று முதல்
அந்த வலிக்காய்
தவம் கூட கிடந்தேன்..!
அதுதான்
காதல் வலி என்று
பின்னாளில் உணர்ந்தேன்..!!!

அதோ..
காத்திருந்த தாமரைக்கு
கதிரவனின் ஒளிபோல்
அவளின் வருகை..!

அருகே வந்தாள்..
முகத்தில்
வெறுப்புக்கு மாறாக
புன் முறுவல்..!

என்னைக் கண்டதும்
முகம் சுழிப்பாள்
என்று இருந்தேன்..
இதழோரம்
சிரிப்பைச் சிந்தி
என்னைச் சாகடித்தாள்..!

எதார்த்தமாய்ப் பேசி
என்னை
ஏகாந்த இனிமையில்
மூழ்கடித்தாள்..

ஒரு வார்த்தைப்
கூறுவாளோ என்றிருந்தேன்..
ஒரு
கோரிக்கையே வைத்தாள்..!!!

-அவளின் கோரிக்கை அடுத்த பகுதியில்

K.கிருஷ்ணமூர்த்தி

தீபாவளி

2009-10-14T22:14:00.000-07:00

தீபாவளி

இன்று
தீபங்களின் திருவிழா...
வெளிச்சத்தின்
வெற்றி விழா..
ஆம்..
இன்று தீபாவளி...?

தீபாவளி என்ன..
உயிர்வதை செய்தவனுக்காய்
ஆண்டுக்கொருமுறை
கொண்டாடப்படும்
கோலாகல
நினைவாஞ்சலியா?!

பாவி,
அவன் பாவம் தொலைய
பாக்கெட் காலியாக
நாம் தரும்
பண்பாட்டு
இலஞ்சமா?!

அரக்கன் அழிந்தாலும்
அவன் குணம் மட்டும்
இங்கே இன்னும்
பாட்டில்களிலும்
அரிவாள்களிலும்
பத்திரமாக..

இருக்கும் காசையெல்லாம்
வாரி இறைத்துவிட்டு
வயிற்றில் ஈரத்துணி
கடைசியாக..

ஒழிந்தது ஒரு நரகாசுரன்..
இங்கே,
தினம் தினம் பிரசவம்
புதுப்புது
நரகாசுரர்கள்..!!

***

வித வித இனிப்புகள்
பலவித பண்டங்கள்
இறைச்சி எல்லாம் உண்டு
வாங்க வாங்க..
Diabetes, BP,
கொலஸ்ட்ரோல்..
எல்லாம் இங்கே இலவசம்
வாங்கி போங்க..

இதுதான் தீபாவளியா?

இதற்காகவா..?
இந்த அவலத்துக்காகவா
இத்தனை அலங்காரம்?

****
துவண்டிருந்த
திரியை தூண்டிவிட்டு
பின் தீக்கிறையாக்குவதா
தீபாவளி..?

இல்லை,
எரிவது உடம்பென்று
தெரிந்தும்
உலகுக்கு ஒளி தரும்
திரியின் தியாகத்தை
போற்றுவதே தீபாவளி..!!!

கோடி தீபங்கள்
சுடர் தந்தாலும்
உள்ளத்தின் இருளில்
சுடரின் சேவை
செல்லாக் காசுதான்..

இனியாவது,

தீபாவளிக்கு
நல்லெண்ணெய் மட்டும்
தேய்ப்பதை விட்டுவிட்டு
நல் எண்ணங்களை
தேய்த்துக்கொள்வோம்..

திரியை மட்டும்
எரிப்பதை விட்டுவிட்டு
உள்ளொளியை
ஏற்றிக் கொள்வோம்!

-K.கிருஷ்ணமூர்த்தி

தித்திக்கும் தீபாவளி

2009-10-14T07:58:00.000-07:00

அண்மையில் நடந்து முடிந்த தீபாராகா பாடல் இயற்றும் போட்டியில், எங்களின் பாடல் இறுதிச் சுற்றுக்கு தகுதி பெற்று, CELCOM-இன் குறுஞ்செய்தி போட்டியில் மலேசிய மக்களால் சிறந்த பாடலாக தேர்வு பெற்றது. இந்த பாடல், தீபாவளி அன்று அனைத்து celcom கைத்தொலைபேசிகளின் call me ringtone ஆக உலகம் எங்கிலும் இருக்கும். Celcom நிறுவனத்தின் தீபாவளி சிறப்பு பாடலாகவும் அமைகிறது. இந்த வேளையில், என் பாடலுக்கு குறுஞ்செய்தி வழி வாக்களித்த அனைவருக்கும் நன்றி.

பாடலின் வரிகள்:

தித்திக்கும் தீபாவளி

பல்லவி

தீபாவளி.. தீபாவளி..
ஊரெங்கும் கொண்டாடும் தீபாவளி...!
தீபாவளி.. தீபாவளி..
உலகெங்கும் தித்திக்கும் தீபாவளி..!
ஐப்பசி மாசம்.. வரும் சந்தோஷம்..
ஆனந்த தீபம்.. தரும் உல்லாசம்..
வீட்டில் தீபங்கள் ஏற்றுங்களே..
இருளே இல்லாமல் மாற்றுங்களே..
மனதில் வெளிச்சத்தை காட்டுங்களே..
தீய எண்ணத்தை ஓட்டுங்களே..

சரணம் 1

காலை.. கண் விழிப்போமே..
நல்லெண்ணை தலையெல்லாம் தேய்த்திடுவோமே..
நாளும்.. நன்மை செய்வோமே..
நல்லெண்ணம் நெஞ்செல்லாம் சேர்த்திடுவோமே..

ஊரோடு ஒன்றாகவே.. எண்ணங்கள் நன்றாகவே..
தர்மம் தந்த.. தீபத்தின் திருநாளிலே..! ஹே..ஹே.. (தீபாவளி..)

சரணம் 2
வா வா.. தீபங்களோடு..
வானத்தில் மத்தாப்பின் வேடிக்கையோடு..
வா.. வா.. கீதங்களோடு..
மனிதத்தை கொண்டாடும் ராகங்களோடு..!

சோகங்கள் போகட்டுமே.. சொந்தங்கள் வாழட்டுமே..
தர்மம் தந்த.. தீபத்தின் திருநாளிலே..! ஹே..ஹே.. (தீபாவளி..)

K.கிருஷ்ணமூர்த்தி

பி.குறிப்பு: 16/10/09 அன்று இரவு மணி 9-க்கு வானவில்லில் இடம்பெறும் ஒரு சிறப்பு நிகழ்ச்சியில் இப்பாடலும், எங்களின் நேர்காணலும் இடம்பெறும். பாடலை கேட்க விரும்புபவர்கள் www.deeparaaga.com அகப்பக்கத்தில் தித்திக்கும் தீபாவளி என்ற பாடலை தேர்வு செய்து கேட்கலாம். இறுதிச் சுற்றுப் போட்டிக்கு வந்த அனைத்து பாடல்களுமே மிகத் தரமான பாடல்கள் என்பது குறிப்பிடத்தக்கது!

சிறிய இடைவெளி

2009-08-25T01:14:00.001-07:00

அன்பு வாசகர்களே..

கடந்த 7.08.2009-இல் எனது ஆருயிர் மாமா, எனது உயிரினும் மேலான சகோதரியின் கணவர், திரு வெங்கடேசன் அவர்கள் சிவபதம் அடைந்ததால்.. எனது இந்த வலைப்பதிவில் தொடர்ந்து இடுகைகள் இடம்பெறாமல் போனது. இன்னமும் மீளாத் துயரத்திலும் அதிர்ச்சியிலும் இருக்கும் நான் சில நாட்கள் கழித்து மீண்டும் எனது 'அத்வைத தாம்பத்யத்தையும்' பிற கவிதைகளையும் தொடர்வேன். நண்பர்கள், வாசகர்கள் அணைவரும் சற்று பொறுமை காப்பீர்கள் என்ற நம்பிக்கையுடன் மற்ற அலுவலகளை கவனிக்கிறேன்.

கவித்தமிழின் பயணம் விரைவில் தொடரும்..

இக்கண்
K.கிருஷ்ணமூர்த்தி

அத்வைத தாம்பத்யம் (4)

2009-07-24T09:32:00.000-07:00

பக்தி யோகம்
பகுதி 4

அது ஒரு குளிர்காலம்..

வெள்ளைத் தாமரை
விண்ணில் மலர்ந்தது போல்..
வெள்ளி நிலவு..

அந்த
வெண்ணிலவின் பிம்பம்
பட்டுத் தெரிப்பதுபோல்..
மண்ணுலகில்
மானுட நிலவுகள்..
மங்கையர் வடிவினில்..

ஒரு
அலுவல் காரணமாய்
கேத்தரினுக்காய் காத்திருந்தோம்
நானும் நண்பன் ரமேஷும்..
ஏழாம் விடுதியில்..

அன்று வரை
கேத்தரின் மட்டும்தான்
எனது பெண்தோழி..

சொன்ன நேரத்தில்
கேத்தரினும் வந்தாள்..
அலுவல்
ஐந்து நிமிடங்களில்
முடிந்தாலும்
அரை மணி நேர அரட்டை..

அப்பொழுதுதான்..
அந்த அதிசயம் நிகழ்ந்தது!

வானத்தில்
ஆயிரம் நட்சத்திரங்கள்
மின்னினாலும்
நிலவு மட்டும் ஒன்றுதான்..

அந்த ஒரு நிலா
தன்னந்தனிமையில்
பூமியில்
உலா வந்தால்..??

நிலவுக்கு
முகம் மட்டுமே உண்டு..
இந்த நிலவுக்கு
முகமும் உண்டு..!

என் அதிர்ஷ்டம்..
அந்த நிலா
கேத்தரினுக்கு
பரிட்சயமான நிலா..!

“யாரது..?”

இன்னமும் நான் கேட்கவில்லை..

“அதுதான் சீதா..”
கேத்தரினின் மழலை..

இராமாயணத்தில்
கவிச்சக்ரவர்த்தி கம்பனின்
கற்பனையை
அன்று
நான் கண்ணெதிரே கண்டேன்..!

கேள்வி நாயகி கேத்தரினால்
எங்களின்
அறிமுகப் படலம்
ஆரம்பமானது..

அருகில் வந்த நிலா
பேசியது!

“ஹாய்..
ஐ எம் சீதாலட்சுமி..”

நண்பனை சாதரணமாக
பார்த்த அந்த நிலவு..
என்னைப் பார்த்ததும்
முகம் சுளித்தது..!

காரணம்..
வேறென்ன..? நான்தான்..
நிலாக்களை நகைப்பதுதானே
என்
பொழுது போக்கு..!

என் அருமை பெருமை எல்லாம்
அறிந்த நிலவு அது போலும்..!

“இவங்ககிட்ட பேசினிங்க..
உங்க வண்டவாளம் எல்லாம்
தண்டவாளத்தில் ஏறிடும்..!”

கேத்தரின் சீதாபுராணம் பாடினாள்..

சீதா ஜாதகம் பார்ப்பாளோ..?
ரமேஷ்
கையை நீட்டினான்..

“எனக்கு எப்படி இருக்கு பாருங்க..”

நிலா முகத்தில் ஒரு சலனம்..!

“கையெல்லாம் பார்க்க தெரியாது..
இராத்திரி ஆயிடுச்சி..”
இழுத்தாள்..

கரடி நான்தான்
என்று
எனக்கே தோன்றியது..!

ஏமாற்றம்
எங்கள் இருவருக்கும்..

தடுமாற்றம்
நிலவுக்கு..

கண்ணெதிரே
நிலவு வந்தும்..
அன்று
எனக்கு மட்டும் அமாவாசை..!!

===> அறிமுகப் படலம் தொடரும்..

டாக்டர் செவாலியே சிவாஜி கணேசன்

2009-07-19T23:04:00.000-07:00

(டாக்டர் செவாலியே சிவாஜி கணேசன் மண்ணுலகை விட்டு மறைந்த அன்று, அவருக்காக நான் எழுதிய கவிதை பின் ரகுவின் 'மோகனம்' என்ற குருந்தட்டில் பாடலானது. அந்த பாடல் வரிகளை கவித்தமிழ் வாசகர்களோடு பகிர்ந்து கொள்கிறேன்..)

இமயம்

இமயம் ஒன்று வீழ்ந்து போனதே..
இயற்கை அன்று ஓய்ந்து போனதே..
விழிகளில் ஈரம்.. இதயத்தில் சோகம்..

சிகரம் ஒன்று சாய்ந்து போனதே..
சிங்கம் ஒன்று சோர்ந்து போனதே..
சிதையினில் வீரம்.. சிதைந்திடும் நேரம்..

உறங்கிடு வீர சிங்கமே.. இரு விழி மூடி..
ஓய்வெடு நீ செவாலியே.. அமைதியை நாடி..
இது நனவா.. வெறும் கனவா..
உணர்த்திட யாரும் இல்லையே..
இது குளமா.. நைல் நதியா..
விழிகளில் மீதமில்லையே..

கலைமகனே.. கதறுகிறோம்..
உயிர்களின் ஓலம் இன்னும் ஓயவில்லையே..
தலைமகனே.. தமிழ்மகனே
விடைபெறும் நேரம் நெஞ்சம் தாங்கவில்லையே..

கலைமகளே கதறுகிறாள்..
உனையன்றி சேவை செய்ய யாரும் இல்லையே
கலை உலகின்.. சுடரொளியே..
உனையன்றி பாதை சொல்ல நாதியில்லையே..

மறைந்திடுமா உனது புகழ்..
தமிழ் உள்ள காலம் மட்டும் காதில் கேட்குமே..
ஓய்ந்திடுமா.. உனது அலை
கலை உள்ள காலம் மட்டும் காற்றில் வாழுமே...

பாடலை முழுதும் கேட்க இங்கே சொடுக்குங்கள்..
Imayam - Jerry Retnam

பாடலாக்கம் : K.கிருஷ்ணமூர்த்தி
இசை : ஜெர்ரி இரத்னம்
குரல் : ரகு

(பி.கு: ஜெர்ரி இரத்னமும் நானும் இணைந்த இரண்டாவது இசைக் குறுந்தட்டுதான் ரகுவின் மோகனம். இதற்கு முன் சலனம் என்னும் இசைத்தட்டில் தான் முதன் முதலாக நான் பாடல் இயற்றினேன்.. அந்த இசைத்தட்டு, மலேசிய இசைத்துறையில் ஒரு இசைச் சலனத்தை ஏற்படுத்தியதும் மறக்க முடியாத அனுபவம்.. ஜெர்ரி இரத்னம் மலேசிய தனியார் தொலைக்காட்சி நிறுவனம் TV3 நடத்திய Muzik Muzik நிகழ்ச்சியின் வெற்றியாளர் என்பது குறிப்பிடத்தக்கது. இப்போது அதே தொலைக்காட்சி நிறுவனத்தில் இசையமைப்பாளராகவும், ஒலி காப்பாளராகவும் பணிபுரிந்து வருகிறார்.)

அத்வைத தாம்பத்யம் (3)

2009-07-10T10:26:00.000-07:00

பக்தி யோகம்
பகுதி 3

கேத்தரின்..

என் காதல் அத்தியாயத்தின்
ஆணிவேர்!

பெண்களைக் கண்டு
பொழுதுபோக்கியவனை
பழுது பார்த்தவள்..

என்னைத் தன்னிடம்
பேச வைத்தவள்..
என்னோடு பேசியவள்..

எனக்கு என்னை
அடையாளம் காட்டியவள்..
ஆம்..
என்னவளை எனக்கு
அடையாளம் காட்டியவள்..!

கேத்தரின்..

வெள்ளை மனம்
பிள்ளை குணம்..
நிமிடத்திற்கு மூன்று
கேள்விகள் கேட்கும்
தொல்லை-ரணம்..!

எப்படி
தமிழையும் இனிமையையும்
பிரிக்க முடியாதோ..
அப்படித்தான்..
கேத்தரினும் கேள்வியும்..!

மும்பை எக்ஸ்பிரஸ்
படத்தில்
தூங்கிவிட்டு..
கிளைமாக்ஸில்..
"என்ன ஆச்சு..?"
"இவன் எப்படி இங்க?"
"ஐயோ.. இது யாருலா..?"
இது..
தொல்லையில்லாமல்
வேறென்ன..?

இருந்தாலும்..
வெள்ளை மனம்
பிள்ளை குணம்..
கேத்தரின்..

எனது
முதல் பைக்கை..
இரவல் வாங்கி..
பழுதாக்கி..
பாதையிலே விட்டு வந்ததும்..

சுப்பு லட்சுமி சொல் கேட்டு
என்
பெரு விரல் நகத்தை
படார் என்று உடைத்ததும்..

பரிமளாவின் காரில்
பக்கத்து பல்கலைக்கழகம் சென்றதும்..
பின்னால் மட்டுமன்றி..
புகை
நான்கு புறத்திலும் வர..
ரேடியேட்டரைப் பார்க்கச் சொன்னால்
ரேடியோவைப் பார்த்ததும்..!

இறுதியில்..
'hand brake'-ஐ
எடுக்காமல் ஓட்டியதால்
எழுந்த புகை அது என்று
என்னிடம் மட்டும் சொன்னதும்..!

அப்பப்பப்பா..!
எல்லா கலைகளும்
அறிந்தவள் கேத்தரின்..!

என் காதல் அத்தியாயத்தின்
ஆணிவேர்!

எனக்கு 'என்னை'
அடையாளம் காட்டியவள்..

===> அடையாளம் காட்டிய கதை அடுத்த பகுதியில்..

அத்வைத தாம்பத்யம் (2)

2009-07-08T07:26:00.000-07:00

பக்தி யோகம்
பகுதி 2

பெண்களுடன்
பேசுவதில்லை..
பெண்களை
பேசாமலும் இருந்ததில்லை..!

புத்தனுக்கு
ஒரு
போதிமரம்..

எனக்கு
புத்தகசாலையின்
வாசலில் இருந்த
படிக்கட்டுகள்..!

எனக்கு
பின்னாளில்
கவிதை வந்ததும் அங்குதான்
காதல் வந்ததும் அங்குதான்..!!

படிக்கட்டுகளில் அமர்ந்து
பெண்களின்
உடற்கட்டுகளை
அளவெடுத்ததும் அங்கேதான்..

நட்புப் படிகளில்
ஏறி..
வாழ்க்கையின்
பாடத்தைக் கற்றதும்
அங்கேதான்..!!!

நண்பர்கள்
எனக்கு இட்ட பெயர்
'குருஜீ'

எத்தனையோ கேலிகள்..
எத்தனையோ கிண்டல்கள்..

இருந்தாலும்
பெண்களிடம் மட்டும்
பேசுவதில்லை..!

உடன் படித்த
சுப்பு லட்சுமி..
ஆங்கிலத்தில் ஏதோ கேட்க
மருபடியும்
மௌன சாமியாராய்
நான்..!

பேசாததால்
பெண்களிடம் கிடைத்த
பட்டம்..
'கெட்டவன்'..!

ஏண்டா..
பேசித் தொலையேன்..!

நண்பர்கள் திட்டல்..!

"அட போடா..
பெண்கள் நிலா மாதிரி..
தூரத்தில் மட்டும்தான் அழகு!
அருகே சென்றால்
அத்தனையும் அவஸ்தை!"

இது
அவர்களுக்கு நான் சொன்ன
பதிலா..
இல்லை..
எனக்கு நானே சொல்லிக்கொண்ட
பதில்..!
பொய்யான பதில்..!!!

===> மௌனம் தொடரும்..

அத்வைத தாம்பத்யம் (1)

2009-07-06T10:17:00.000-07:00

(இது முற்றிலும் உண்மைச் சம்பவங்களைக் கொண்ட வரலாற்றுப் பூர்வமான எனது காதல் கதை. இது யாரையும் புண்படுத்தவோ, கேலி செய்யவோ எழுதப்பட்டது அல்ல.)

பக்தி யோகம்..
பகுதி 1

அவள்
அவன்
அவள்..!

அவன்
அவள்
அவன்..!

அத்வைத தாம்பத்யம்!

அவள் நானாகி
நான் அவளாகி
ஓருயிராய்
ஒருமித்து இருக்கிறோம்..

இறையோடு கலந்து
இறையாகினால்
அத்வைதம்..

என்னோடு கலந்து
நானாகிளாள்..
அத்வைத தாம்பத்யம்!

*

அது ஒரு கனாக்காலம்..
இளமை இரத்தத்தைப்
பரிசோதித்துப் பார்த்த
விழாக்காலம்..!

மலேசிய புத்ரா பல்கலைக்கழகம்
1995
மூன்றாம் ஆண்டில்
நான்..
முதல் ஆண்டில்
அவள்..

பெண்களிடம் பேசாதவன்
நான்..
ஆங்கிலத்தில் அவ்வளவாக
பரீட்சயம் இல்லாததால்..
பெண்களிடம் பேசாதவன்
நான்..!

அதென்ன,
பல்கலைக்கழக பெண்கள்
தாய்மொழிக்கு
தடை விதித்து விட்டனரா?!

வரட்டுக் கோபம்...

என்ன கஷ்டம்..?
பேசப் பேசப் பழகிவிடும்..
எனது அருமை சீனியர்..
திரு!

அது சரி..
தவறாக பேசிவிட்டால்?!

ஆண்களாவது பரவாயில்லை,
பெண்களிடம் இரகசியம் தங்காதே!

எதற்கு வம்பு!
பெண்களிடம்
பேசுவதில்லை..
விட்டது தொல்லை...!

===> தொடரும்..

இதயமே..

2009-06-27T22:26:00.000-07:00

இதயமே..

நிமிடத்திற்கு
எழுபத்திரண்டு முறை
துடிக்கிறாயே..

நீயும்
கர்ம யோகிதான்..!

உனக்கு
தீங்கு செய்தாலும்
நன்மை செய்தாலும்..
உன்னால் இயன்றவரை
இயங்குகிறாய்..

இதயமே..!

நீ மட்டும்தான்..
வாலிபம்
குறைய குறைய
உழைப்பை
உயர்த்துகிறாய்..!

உழைப்பை உயர்த்தி
எங்கள்
நாட்களை குறைக்கிறாய்..!

நீ
துடிப்பதால்
உயிர் வாழ்கிறதா?

உயிர்
இருப்பதால்
நீ துடிக்கிறாயா?

புரியாத புதிர்...

எது எப்படியோ..

என் இதயம்
துடிப்பது மட்டும்
எப்பொழுதும்
என்னவளின்
நினைவுகளாலேயே..!

என்
இருதயத்தின்
இரத்த நாளங்களில்..
அழுத்தம்
குறைவதும் அவளாலே..

அதுவே
அவ்வப்போது
அதிகரிப்பதும் அவளாலே..!!

ஓன்று மட்டும்
உறுதி..

என் இதயம்
விட்டு விட்டு
துடிக்கலாம்..

ஒருபோதும்
அவளை
விட்டுவிட்டுத்
துடித்ததில்லை..!!

• K.கிருஷ்ணமூர்த்தி

கண்ணகி மண்ணில் இருந்து ஒரு கருஞ்சாபம்!

2009-06-20T21:39:00.000-07:00

கவிஞர் தாமரை அவர்கள் வழங்கிய சாபம் ஒவ்வொரு தமிழனின் சாபமாக ஆகட்டும்!
இந்த கவிதையை வாய்விட்டு உரக்கமாகப் படியுங்கள் தமிழர்களே..

கவிஞர் தாமரையின் பேட்டி, ஒலி வடியில் இங்கே கேட்கலாம்..
http://www.tamilnaatham.com/audio/2009/jun/interviews/thamarai_20090617.m3u

கண்ணகி மண்ணில் இருந்து ஒரு கருஞ்சாபம்!

ஏ இந்தியாவே…!எத்தனை கொடுமைகள்
செய்துவிட்டாய்
எங்கள் தமிழினத்திற்கு…
எத்தனை
வழிகளில்கெஞ்சியும் கூத்தாடியும்
காலில் விழுந்தும் கதறியும்
கொளுத்திக் கொண்டு செத்தும்
தீர்ந்தாயிற்று…

எதுவுமே காதில் விழாத உங்களுக்கு
இன்னும் தராத ஒன்றுமிச்சம் உண்டு என்னிடம்…

பட்டினியால் சுருண்டு மடிந்த
பிஞ்சிக் குழந்தைகளின் படத்தைப் பார்த்து
அழுது வீங்கிய கண்களோடும்
அரற்றிய துக்கத்தோடும்
களைந்த கூந்தலோடும்
வயிரெரிந்து இதோ விடுகிறேன்..

கண்ணகி மண்ணில் இருந்து
ஒரு கருஞ்சாபம்!

குறள் நெறியில் வளர்ந்து
அறநெறியில் வாழ்ந்தவள்
அறம் பாடுகிறேன்!

தாயே என்றழைத்த வாயால்
பேயே என்றழைக்க வைத்துவிட்டாய்
இனி நீ வேறு, நான் வேறு!

ஏ இந்தியாவே!
ஆயுதம் கொடுத்து வேவு விமானம் அனுப்பி
குண்டுகளைக் குறிபார்த்துத்
தலையில் போடவைத்த உன்தலை
சுக்குநூறாய் சிதறட்டும்!

ஒரு சொட்டு தண்ணீருக்காய் விக்கி மடிந்த
எங்கள் குழந்தைகளின் ஆத்மா சாந்தியடைய
இனி ஒரு நூற்றாண்டுக்கு
உன் ஆறுகள் எல்லாம் வற்றிப் போகட்டும்!

மழைமேகங்கள் மாற்றுப் பாதைகண்டு
மளமளவென்று கலையட்டும்!

ஒரு பிடி சோற்றுக்கு எங்களை ஓடவைத்தாய்
இனி உன் காடு கழனியெல்லாம் கருகிப்போகட்டும்!

தானியங்கள் எல்லாம் தவிட்டுக்குப்பைகளாய்
அறுவடையாகட்டும்!

மந்தைகளைப் போல் எம்மக்களை துரத்தினீர்கள்
உங்கள் மலைகள் எல்லாம்
எரிமலைக் குழம்புகளைக்
கக்கி சாம்பல் மேடாகட்டும்!

இரக்கமின்றி ரசாயனக் குண்டுவீசிய அரக்கர்களே…
உங்கள் ரத்தம் எல்லாம் சுண்டட்டும்!

உங்கள் சுவாசம் பட்டு சுற்றமெலலாம் கருகட்டும்!
எதிரிகள் சூழ்ந்து
உங்கள் தூக்கத்தைப் பறிக்கட்டும்!

தெருக்கள் எல்லாம் குண்டுவெடித்து
சிதறிய உடல்களோடு
சுடுகாடு மேடாகட்டும்!

போர் நிறுத்தம் கோரியிருக்கிறோம் என்று
கூசாமல் பொய் சொன்ன வாய்களில்
புற்றுவைக்கட்டும்!

வாய் திறந்தாலே ரத்தவாந்திக் கொட்டட்டும்!
எங்கள் எலும்புக் கூடுகள் மீது
ஏறியமர்ந்து அரசாட்சி செய்தீர்களே…

உங்கள் சிம்மாசனம் வெடித்துத்
தூள்தூளாகட்டும்!
உங்கள் வீட்டு ஆண்கள் ஆண்மையிழக்கட்டும்……

பெண்களின் கருப்பைகள் கிழியட்டும்!

நிர்வாணமாக எங்களை அலையவீட்டீர்களே…
உங்கள் தாய் தந்தையர் பைத்தியம் பிடித்து
ஆடையைக் கிழித்துத் தெருக்களில் அலையட்டும்!

எங்கள் இளைஞர்களை மின்சாரம் செலுத்தி
சித்திரவதையில் சாகடித்தீர்களே…
உங்கள் தலையில் பெருமின்னல் பேரிடி இறங்கட்டும்!

எங்கள் சகோதரிகளைக் கதறக்கதற சீரழித்த
சிங்களவன் மாளிகையில்விருந்து கும்மாளமிட்டவர்களே…
உங்கள் வீட்டு உணவெல்லாம் நஞ்சாகட்டும்!

உங்கள் பெண்களெல்லாம்
படுக்கையைப் பக்கத்து வீட்டில் போடட்டும்!

நரமாமிசம் புசித்தவர்களே…
உங்கள் நாடி நரம்பெல்லாம்
நசுங்கி வெளிவரட்டும்!

இன்னும் ஓர் ஆயிரம் ஆண்டுகளுக்கு
புல் பூண்டு முளைக்காமல் போகட்டும்…

ஆழிப்பேரலை
பொங்கியெழுந்து
அத்தனையும் கடல் கொண்டுபோகட்டும்!

நீ இருந்த இடமே இல்லாமல் போகட்டும்!

நாசமாகப் போகட்டும்! நாசமாகப் போகட்டும்!
நிர்மூலமாகப் போகட்டும்! நிரந்தரமாகப் போகட்டும்!
…………………………………………………………………………….
பின்குறிப்பு:
உங்கள் குழந்தைகளை சபிக்கமாட்டேன்!
குழந்தைகள் எங்கிருந்தாலும்குழந்தைகளே…
அவர்கள் நீடுழி வாழட்டும்!

எம் குழந்தைகள் அழுதாலும்
உன் குழந்தைகள் சிரிக்கட்டும்!

உன் குழந்தைகள் சிரிக்கட்டும்!

ஆக்கம் : கவிஞர் தாமரை

(முதன் முதலாக இந்த வலைப்பூவில் நான் எழுதாத கவிதையை இடுகிறேன். இது என் இனத்தின் சாபமாக இருக்கவேண்டும் என்பதால்.. இந்த கவிதையை எனக்கு அறிமுகம் செய்து வைத்த தோழி சுமி ராமுக்கும் கோடி நன்றிகள்..!!)

அடியே பெண்ணே..

2009-06-15T09:56:00.000-07:00

அடியே பெண்ணே..

என் ஆவி என்னவோ
உனை எண்ணியே வேகிறது..

என் தேவி என்னிடம்
வர வேண்டியே சாகிறது..

என் பாதி உயிர் இன்று,
நீ வரும் திசையில்
வேர்க்கின்றது...

என் மீதி உயிர் மட்டும்,
உன் ஞாபக தென்றலில்
பூக்கின்றது..

என்று வருவாயோ பெண்ணே... ?
உயிரை என்று
திருப்பித் தருவாயோ கண்ணே..?!

மௌனம் கலைந்தேன்,
வார்த்தை இங்கில்லை?
மனதை திறந்தேன்..
தேவி நீ இல்லை..
சிறகை விரித்தேன்,
வானம் இங்கில்லை..
விறகாய் ஆனேன்..
நெருப்பும் இங்கில்லை..!!

என்று வருவாயோ பெண்ணே...?
என்னை என்று..
திருப்பித் தருவாயோ கண்ணே..?!

பார்வை கொண்டேன்,
காட்சி நீ இல்லை
பாதை கொண்டேன்,
பாவை நீ இல்லை..
தாகம் கொண்டேன்,
பருக நீ இல்லை..
மேகமானேன்..
துளிகள் என்னில் இல்லை..

என்று வருவாயோ பெண்ணே...?
எனக்கு என்ன
தருவாயோ கண்ணே...?!

K.கிருஷ்ணமூர்த்தி

வாடிய பயிரை..

2009-06-09T20:17:00.000-07:00

அனுபல்லவி
வாடிய பயிரை கண்டபோதெல்லாம்..
வாடினார் வள்ளல் பெருமான்..
ஆடிய உயிரை கொன்ற போதெல்லாம்
கலங்கினார் கருணைக் கடலே..

பல்லவி
உயிர்களை படைப்பது கடவுளடா..
அதை உயிராய் மதிப்பது மனிதமடா.. மனிதமடா.. 2x
இறப்பு என்பது இயற்கையடா.. அதை
உன் கையில் எடுப்பது கொடுமையடா.. (வாடிய..

சரணம்
எளியதை கொன்று வலியது வாழும்..
காட்டில் வாழும் மிருகமடா..
உயிர்களை மதித்து பயிர்களை சமைத்து
உண்டு வாழ்ந்தால் மனிதனடா.. (இறப்பு..

கருணை என்பது கடவுளின் வடிவம்
கருணையை மறந்தால் மிருகமடா..
கருணையை சுமந்து கடவுளை நினைந்து
உருகி வாழ்ந்தால் தெய்வமடா.. (வாடிய..
(உயிர்களை

K.கிருஷ்ணமூர்த்தி

பாடல் ஒலி வடிவில்..

Vadiya Payirai.mp3 -

ஆலமரம்..!

2009-06-03T23:11:00.000-07:00

சுட்டெறிக்கும்
சூரியனை
சுட்டுவிட்டனரா..?

சுட முடியுமா
என்
சூரியனை..?

விண்ணதிர
முழக்கமிட்ட
வேங்கையை
வீழ்த்திவிட்டனரா..?

சாத்தியம்தானா..
சிறு நரிகளுக்கு
அது?

ஈழத் தமிழனின்
தன்மானம்
காக்க வந்த
தருமனை..
தகர்த்து விட்டனரா..?

தாங்குவாளா
பூமி மாதா..?
பூகம்பம் வந்திருக்காதா
இன்னேரம்
அந்த இடுகாட்டில்..!

போர் முடிந்துவிட்டதென
போலியாய்
புலம்புகிறான்
இராட்சஷ பாக்சே!

ஒவ்வொரு முடிவிலும்
ஒரு
தொடக்கம் இருக்கும்..

ஒவ்வொரு அழிவிலும்
ஒரு
அரும்பு முளைக்கும்..

ஒவ்வொரு இருட்டிலும்
ஒரு
விடியல் இருக்கும்..

ஒவ்வொரு மரணத்திலும்
ஒரு
விடுதலை இருக்கும்...!

அன்று நடந்த
அந்த,
ஒவ்வொரு கொடூரத்திலும்
ஒரு
விளைவு இருக்கும்..!!!

எங்கள் புலிகள்,
வீரமரணத்தில்
நிம்மதியாய்
நித்திரை கொண்டனர்..

அடே,
இராட்சச பாக்சேவே..!
ஜெயித்ததாய் பிதற்றினாலும்..
பீதியில்
உன் இரவுகள்
நித்திரை இழக்கும்..!!!

இது
இறங்கற் பா அல்ல..
எழுச்சிப் பா..!

பிரபாகரன்
மரமல்ல..
விருட்சம்..

பல கோடி தமிழர்களின்
இதய விழுதுகள்
தாங்கி நிற்கும்
ஆலமரம்..!

தமிழ் விழுதுகள்
தாங்கி நிற்கும் வரை..
அந்த தலைவனுக்கு
வீழ்ச்சி இல்லை..!!!

K.கிருஷ்ணமூர்த்தி

கறுப்பு தினம்!

2009-05-18T21:48:00.000-07:00

மே 18, 2009

கறுப்பு தினம்..
தமிழனின் உரிமையின்

இறப்பு தினம்..!

ஒற்றுமை பலத்தை
உணராத இனத்தின்
வெற்று தினம்..

முப்பத்தேழு ஆண்டுகள்
முன்னேறிய பாதையை
மூழ்க வைத்த
முதல் தினம்..

கல்லடி பட்ட
காக்கைகள் போல்
எங்கு நோக்கினும்
குண்டடி பட்ட
யாக்கைகள்!

கறுப்பு நிறமென்பதால்..
தமிழனின்
உணர்ச்சிகள் கூட
கறுமையாக்கப் பட்டுவிட்டது..!

விழி தமிழா..!

இனியாவது..
ஒற்றுமை பலத்தை
உணர்ந்து கொள்..!

ஈழச் சோதரர்கள்
ஈமச் சடங்குகள்
நம் இனத்தின்
பிரிவினைக்கு
கொள்ளி வைக்கட்டும்..!

ஈழத் தமிழனின்
கதறல்..
‘தமிழன்’ காதுகளில் கூட
கேட்கவில்லையாம்..!

தமிழா..

இனியாவது..
காதுகளோடு
கண்களையும்
திறந்து வை...

உணர்ச்சிவயப் படுவதை
மட்டும்
உணர்ச்சியோடு செய்யாதே..

உண்மைகளை புரிந்துகொள்..
உரிமைகளை புரிந்துகொள்..

ஒற்றுமை இழந்து நின்றால்
உள்ளாடைகள் கூட
களவு போய்விடும்..

இனியாவது..
ஒற்றுமை பலத்தை
உணர்ந்து கொள்..!

K.கிருஷ்ணமூர்த்தி

சின்ன சின்ன ஆசை..!

2009-05-12T09:26:00.000-07:00

சின்ன சின்ன ஆசைகள்..
செதுக்கி வைத்த ஆசைகள்..
சின்னப் பெண் இவளுக்காய்
சேகரித்த ஆசைகள்..

எண்ண அலைகளிலே
ஏற்றிவைத்த ஆசைகள்..
நெஞ்சின் சிறைகளிலே
உறைந்திருந்த ஆசைகள்..

*

திங்களின் ஒளியினிலே
தனித்திருக்க ஆசை..
தென்றலின் தாலாட்டைத்
தமிழ் படுத்த ஆசை..

மேகங்கள் மழையாகும்
விதம் பார்க்க ஆசை..
சோகங்கள் அதைப்போல
கரைந்தோட ஆசை..

முள்ளில்லா ரோஜாக்கள்
நட்டுவிட ஆசை..
மல்லிகையை முள்ளாக்கி
தொட்டுவிட ஆசை..!

வண்னத்துப் பூச்சிகளின்
மொழி கேட்க ஆசை..
எண்ணத்தில் அதை நிறுத்தி
எழுதி வைக்க ஆசை.. !

குருவிகளின் பாஷைதனை
கற்றுக் கொள்ள ஆசை..
சுறுசுறுப்பை எறும்பிடத்தே
பற்றிக் கொள்ள ஆசை..

அருவிகளின் சலசலப்பில்
அயர்ந்திருக்க ஆசை..
இரவுகளின் கதகதப்பில்
விழித்திருக்க ஆசை..!

நிலவுதனில் கண்ணுறங்கும்
நித்திரையில் ஆசை..
கனவுகளில் கவியெழுதும்
காதலிலும் ஆசை... !

பனிமலரும் வேளைகளில்
பாட்டெழுத ஆசை..
பருவமகள் ஆசைகளை
கேட்டெழுத ஆசை..!

K.கிருஷ்ணமூர்த்தி

அம்மா..

2009-05-06T05:26:00.000-07:00

மண்மீது வந்த தெய்வமே..
கண்போல காத்த சொந்தமே..
அன்பாலே ஆன பந்தமே..
எங்கள் அன்புத் தாயே..

உன்போல உறவு வேறில்லை..
நீ தந்த பாசம் பொய்யில்லை..
உனை மிஞ்சும் ஜீவன் ஒன்றில்லை..
என்றும் தெய்வம் நீயே..

முன்னூரு நாட்கள் உன்னில்..
உருவான உயிரின் பந்தம்..
ஏழேழு ஜென்மம் ஆனாலும்..
பொய்க்காது உந்தன் சொந்தம்..

பாலோடு பாசத்தை பருகத் தந்தாய்..
தாலாட்டில் தமிழைப் பழகித் தந்தாய்..
முத்தத்தில் உயிரினை உருக வைத்தாய்..
மொத்தத்தில் மனிதத்தை மலர வைத்தாய்..!

அம்மா..
உன் அணைப்பின் கதகதப்பில்
சொர்கத்தை உணர வைத்தாய்!!!

K.கிருஷ்ணமூர்த்தி

சரவண பவ..

2009-05-04T20:04:00.000-07:00

பல்லவி

சரவண பவ என்னும் திருமந்திரம்..

அதை நாளும் சொல்ல எங்கள் துயர் தீர்ந்திடும்..

அறுபடை மலை வாழும் அருட்குமரா..

உன்னை எண்ண எண்ண நெஞ்சில் இருள் நீங்கிடும்.. X 2

(சரவண பவ..)

சரணம்

கர்வம் என்ற பாம்பினை..

அடக்கியாளும் மயில் துணை..

பாதையில் தொல்லை நீங்கவே..

வெற்றி தரும் வேல் துணை..

சூரனை வதமும் செய்திட..

சிவனின் நெற்றிக் கண்ணிலே

உதித்து வந்த கார்த்திகேயா..

ஈசனின் இளைய மைந்தனே..

இச்சை வடிவான வள்ளி..

ஒருபுறம் கை சேர..

கிரியை எனும் தெய்வானை..

மறுபுறம் தோள் சேர..

இருப்பதெல்லாம் உன் பொருளே..

நடப்பதெல்லாம் உன் செயலே..

கேட்பதெல்லாம் உன் புகழே..

காண்பது எல்லாம்.. உன் அழகே..

முருகா.. முருகா.. முருகா.. முருகா.. –-2x (சரவண பவ..

(இருப்பதெல்லாம்..

பாடலாக்கம் : K.கிருஷ்ணமூர்த்தி

இசைவட்டு : புளிசாதம்

பாடலை ஒலி வடிவில் கேட்க கீழே சொடுக்குங்கள்..

Saravanabava.mp3 -

நட்பு..!

2009-04-28T09:29:00.000-07:00

உலக

வரைபடத்தில்

மலேசியா..

ஒரு,

சிறு புள்ளி

என்றிருந்தேன்..

இன்று..

உன் பிரிவில்தான்

அதன்

பரப்பளவு

புரிகிறது

எனக்கு..?!

K.கிருஷ்ணமூர்த்தி

(பல்கலைக்கழக நாட்களில் பழகிய நண்பர்களை மீண்டும் நினைவு கூர்கிறேன்.. ஓரிருவரைத் தவிர.. அநேகரைப் பற்றிய தகவலே இல்லை..!)

காட்டில்..!

2009-04-24T22:39:00.000-07:00

இறந்த மூங்கிலும்
இரவல் மூச்சால்
மோகனம் இசைக்கிறது..

எல்லாம் இருந்தும்
மனிதன் ஏனோ
இரவல் கேட்கின்றான்..!

உதிர்ந்தாலும்
மயிலின்
மயிர் கூட
அழகு..

மனிதன் உதிர்ந்தால்..!

தேவைக்குமேல்
தேடுவதில்லை
மிருகம்..

தேவைகள்
தீர்ந்த பாடில்லை..
மனிதம்..!

காடுகளில்
மதச் சண்டை
இல்லை..

அது
இல்லாத நாடுகளே
இங்கு இல்லை..!

கிருஷ்ணமூர்த்தி

யுத்த பிக்குகள்!

2009-04-22T22:03:00.000-07:00

ஏ புத்தனே..

உன்
சமாதானக் கொள்கைக்கு
இலங்கையில்
கொள்ளி வைத்துக்
கொண்டிருக்கிறார்களே..!

ஈழமே இன்று
இடுகாடாய்..
எங்கள் இனத்தவர்
அங்கே..
பலிகாடாய்..!

எங்கே உன்
சமாதானம்..?
எங்கே போனது
உன்
சாத்துவீகம்..?

*
பாலஸ்தீனத்தில்
ஐந்து பேர்
இறந்தால்
வையகமே அழுகிறது..

ஈராக்கில்
ஒரே ஒரு
குண்டு விழுந்தால்
அகிலமே அதிர்கிறது..!

இலங்கையில் மட்டும்
தவிப்பது
தமிழன் என்பதால்..
இறப்பது
என் இனம் என்பதால்..
தமிழக அரசு கூட,
மௌனமாய்..
மழுப்புகிறது..!

*
புத்தம் பேசும்
புண்ணிய பூமி
யுத்தக் காடாய்
எறிகிறது..

புத்த பிக்குகள்
யுத்த பிக்குகளாய்
எள்ளி நகைப்பது
சுடுகிறது..!

ஆயிரம் காரணம்
கூறிய போதிலும்
புத்தத்தில் கொலைக்கு
இடமுண்டோ..?

எங்கும்
அப்பாவி மக்களின்
அழுகுரல் ஓலங்கள்..
புத்தத்தில் எங்கேதான்
அன்புண்டோ..!

ஏ புத்தனே..

இன்னும்
எத்தனை நாட்கள்
எங்களை
ஏமாற்றப் போகிறாய்..?

உன்,
புத்தம் சரணம் கச்சாமி..!
இன்று
யுத்தம் மரணம் கச்சாமி
ஆனது..

உன்,

தர்மம் சரணம் கச்சாமி..!
இன்று..
இரத்தம் இரணகளம் கச்சாமி
ஆனது..!!

இன்னும்
எத்தனை உயிர்கள்
இறந்திட வேண்டும் ..?

இன்னும்
எத்தனைக் காலம்
அழுகுரல் வேண்டும்..?

இந்த
யுத்த பிக்குகள்
கொலைவெறி தீர..
சொல்வாயா சித்தார்த்தா..?!!!

K.கிருஷ்ணமூர்த்தி

வரமா சாபமா..?

2009-04-17T07:55:00.000-07:00

குழந்தைச் செல்வம்..

சிலர்
குழந்தைக்காகவே
கூடுகின்றனர்..

சிலர்,
கூடிவிட்டு
குழந்தை என்றால்
ஓடுகின்றனர்..!

பணக்காரர்கள்
வாரிசு வேண்டி..
ஒன்றிரண்டோடு
ஒடுங்கிவிடுகின்றனர்..

சில தினக்கூலிகள்..
வாரிசுகளை
ஆண்டுக்கொன்றாய்
விதைக்கின்றனர்..!

*
இயலாதவர்கள்..
பிள்ளைகள் தலையில்
பழுவை ஏற்றுகின்றனர்..

இயன்றவர்கள்..
பிள்ளைகளையே
பழுவாக்கி விடுகின்றனர்..!

*
முதல்
எட்டு வருடம்
என்ன செய்தாலும்
கொஞ்சல்..!

அடுத்த
எட்டு வருடம்
படிக்கச் சொல்லி
கெஞ்சலோ கெஞ்சல்..!!

பதினாறுக்கு மேல்..
பிள்ளைகளைப் பார்த்து
பெற்றோர் அஞ்சல்..!!!

திருமணம்
முடிந்துவிட்டால்..
பெற்றவர்கள்
அங்கும் இங்கும்
ஆடும் ஊஞ்சல்....!

*
முகச்சாயம்
நகச்சாயம்
எல்லாம் மறந்து..
பிள்ளையின்
முகச்சாயலில்
குளிர் காயும்
தாயுள்ளம்..

விடுமுறை
ஓய்வு
எல்லாம் மறந்து
பிள்ளையின்
எதிர்காலத்தை
ஆசையோடு
அசை போடும்
தந்தையுள்ளம்..

ஆனால்..

எதையுமே
எண்ணாமல்
எதார்த்தமாய் வளரும்
பிள்ளை உள்ளம்...!

ஈ கொசு
அண்டாமல்
இரவு பகல்
பாராமல்
தாலாட்டி வளர்க்கும்
தாயுள்ளம்...

கடனோ உடனோ
வாங்கினாலும்..
சேமநிதி
சேர்த்த நிதி
தீர்ந்து போனாலும்..
பாடுபட்டு
படிக்க வைக்கும்
தந்தையுள்ளம்..

ஆனால்..

படிப்பென்றாலே
கடுப்பாகி
பெற்றோரை வையும்
எத்தனையோ
பிள்ளை உள்ளம்...!!

*
பிள்ளைகள்
பரீட்சைக்குப் போனால்
பெற்ற மனதில்
படபடப்பு..!

பிள்ளைகள்..
சிகிச்சைக்கு போனால்
பெற்ற மனதில்
துடிதுடிப்பு...!!

பிள்ளைகள்
வெற்றி பெற்றால்
பெற்ற மனதில்
குதூகலிப்பு..!

அதே பிள்ளை
தோல்வியுற்றால்..
பெற்ற மனதில்
பரிதவிப்பு...!!!

பிறக்கும் போதே
பிள்ளைகள் மேல்
அளவிலாத எதிர்பார்ப்பு..!

எதிர்பார்ப்புகள்
இடிந்து போனால்..
ஏமாற்றத்தில்
மௌனத் தவிப்பு...!

*
குழந்தையின் அழுகுரல்

அபயக் குரலா..?
அபாயக் குரலா..??

அது
மோகனமா..
இல்லை
முகாரியா..??

குழந்தைச் செல்வம்..

அது
நிறையா குறையா..?

இல்லை
சுகமா சுமையா..??

குழந்தைச் செலவம்..

அது
வரமா சாபமா..?!!

• K.கிருஷ்ணமூர்த்தி

எல்லாம் உனக்குள்ளே..

2009-04-16T18:25:00.000-07:00

ஓடுது ஓடுது ஓடுது-உலகம்

தேடுது தேடுது தேடுது 2 X

உள்ளுக்குள்ளே உண்மை இருந்தும்

வெளியில வெளியில தேடுது..

அதை வெளியில வெளியில தேடுது.. -(ஓடுது

குழப்பத்துக்குள்ளே தெளிவு இருக்கு

பொறுத்துப் பார்த்தா தெளியுது.. அட

கேள்விக்குள்ளே பதிலும் இருக்கு

போட்டுப் பார்த்தா புரியுது-கணக்கு

போட்டுப் பார்த்தா புரியுது.. -(ஓடுது

இருட்டுக்குள்ளே வெளிச்சம் இருக்கு

கனவிலும் காட்சி தெரியுது - அட

கனவிலும் காட்சி தெரியுது -உன்

திறமைக்குள்ளே வாழ்க்கை இருக்கு

புரிந்தால் வெற்றி கிடைக்குது.. அதை

புரிந்தால் வெற்றி கிடைக்குது.. -(ஓடுது

K.கிருஷ்ணமூர்த்தி

தமிழழகி..!

2009-04-12T20:17:00.000-07:00

நிலவு தோற்றதடி பெண்ணே..
கறையிலாமல் கவர்ந்திழுக்கும் -உன்
கறுப்பு கன்னங்களுக்கு முன்னே
நிலவு தோற்றதடி பெண்ணே..!

மலரும் தோற்றதடி பெண்ணே..
இளமையை சோதிக்கும் -உன்
ஈர இதழ்களுக்கு முன்னே..
மலரும் தோற்றதடி பெண்ணே..

மின்னல் தோற்றதடி பெண்ணே..
மின்சாரம் இல்லாமலே தாக்கும் -உன்
மகரந்தப் பார்வைக்கு முன்னே..
மின்னல் தோற்றதடி பெண்ணே..!

வீணை தோற்றதடி பெண்ணே..
மீட்டாமலே மயக்கும் -உன்
ஏகாந்த குரலுக்கு முன்னே..
வீணை தோற்றதடி பெண்ணே..!!

மல்லிகை தோற்றதடி பெண்ணே..
மெய்சிலிர்க்க புன்னகைக்கும் -உன்
முத்தான பற்களுக்கு முன்னே..
மல்லிகை தோற்றதடி பெண்ணே..!!!

தூரிகை தோற்றதடி பெண்ணே..
தொடாமலே தீண்டிச் செல்லும் -உன்
தூண்டில் கண்களுக்கு முன்னே..
தூரிகை தோற்றதடி பெண்ணே..

சித்திரம் தோற்றதடி பெண்ணே..
சிந்தையினை சொக்கவைக்கும் -உன்
சிங்கார வளைவுகளின் முன்னே
சித்திரம் தோற்றதடி பெண்ணே..!!!

தங்கம் தோற்றதடி பெண்ணே..
உரசாமலே உருகவைக்கும் -உன்
அந்தரங்க அங்கத்தின் முன்னே..
தங்கம் தோற்றதடி பெண்ணே..

வெண்மை தோற்றதடி பெண்ணே..
கோயில் சிலைபோல் கிறங்கவைக்கும் -உன்
கோகில மேனிக்கு முன்னே..
வெண்மை தோற்றதடி பெண்ணே..!!!

K.கிருஷ்ணமூர்த்தி

பெற்றோரைப் பேண்

2009-04-10T23:33:00.000-07:00

பாரில் உன்னை உயிருடன் உதிர்த்து

பண்பெனும் பாலூட்டினார் அன்னை..

ஊரில் உன்னை அனைவரும் மதிக்க

அறிவெனும் சோறூட்டினார் தந்தை..

நாரில் பூவாய் என்றும்நீ மணக்க

நாதாக்கள் ஆற்றிய நற்பணியை

நேரில் காணும் நெஞ்சம் துடிக்க

நம்கண் உதிர்க்கும் நீர்த்துளியை..!

பெரியவன் ஆனதும் பெற்றோர்க்கு

பனிசெய்து கிடந்திடு என்றும்நீ

பொதிஇவன் என்றுஉன் தந்தையை

பழித்து விடாதே ஒருபோதும்

கொதித்து எழுவாள் உனதன்னை- உருக்

குலைந்து விடுவாய் உடனேநீ..!

சிரித்து அவர்களை உபசரித்தால்

செழித்திடும் உனது எதிர்காலம்..

கண்ணீர்க் கடலை கடந்தவர்கள்

கவலையறி யாதுனை வளர்த்தவர்கள்..

தண்ணிர் அற்ற நடுக் காட்டினிலே

தவிக்க விடாதே அவர்களைநீ..

முன்னூறு நாளுனை சுமந்ததற்கு

மூச்சடக்கி உன்னை ஈன்றதற்கு

முன்னேறும் வேளையில் பெற்றோரை

மூழ்க விடாதே ஆழ்கடலில்..!!!

-K.கிருஷ்ணமூர்த்தி

நீ வாழ்க..!

2009-04-08T09:55:00.000-07:00

எனது
நாள்காட்டியில்
இன்று,
சுப முகூர்த்தம்..!

இன்று,
ஒரு தென்றலின்
பிறந்த தின விழா..

இரக்கமற்றவர்கள்
வாழ்த்தாவிட்டாலும்
இயற்கை
நிச்சயம் வாழ்த்தும்!

இன்று,
உனக்காகவே..
கோழி கூவாமலே
விடியல் விடிந்ததே..
பார்த்தாயா..?

எதிர்பார்ப்புக்களின்
ஏமாற்றத்தால்
வற்றிவிட்ட விழிகளின்
உயிரில்லாத
உறக்கத்தை
கலைக்க மனமில்லாமல்..

பூபாளம்
மௌனமாக
பாடியதே
கேட்டாயா..?!

ஓ..
தென்றலின்
தாலாட்டில்
தூங்கி விட்டிருப்பாய்..!

காலைக் கதிரவன்
கடுமையாய்
இல்லையே
கவனித்தாயா..?

இன்று மலரும் பூக்கள்
உன்
உதட்டோரப் புன்னகை
காணாமல்..
வாடிவிடக்கூடாதாம்..!

ம்ம்..
என்ன வாட்டம்
என்
கண்ணுக்கு..?

ஒழுக விடாதே!

மறந்து விட்டாயா..?
இன்று
உனக்கு விடுமுறை..

உன்
நியாயமான கோரிக்கை
நிராகரிக்கப்பட்டாலும்..

உன்
எதிர்காலத்தின்
ஏடுகளை
இறக்கமற்றவர்கள்
எரித்துவிட்டாலும்..

உன்
புன்னகைப் பூக்களை
மலரும் முன்பே
மூடர்கள்
மறைத்துவிட்டாலும்..

உன்
கவிதைக் கனவினை
உணர்வற்றவர்கள்
உளி கொண்டு
செதுக்கி விட்டாலும்..

உன்
இலகுவான
இதயத்தில்
இரசாயனக் கலவையை
வார்த்தைகளாய்
வஞ்சகர்கள்
வார்த்துவிட்டாலும்..

உன்
ஓவியக் கண்களை
ஒழுக விடாதே!

உன்
வேல் போன்ற விழிகளை
வேர்க்க விடாதே..!!

இன்று
உனக்கு விடுமுறை..
மறந்து விட்டாயா..?

கவலை வேண்டாம்..

இன்று
உனக்காய்
உன்
விழிகளின்
வேலையை
மாலையில்
வானம் செய்யும்..!!!

K.கிருஷ்ணமூர்த்தி

(வேதனையின் விளிம்பில், ஒழுகும் கண்களோடு வாழ்க்கை நடத்தும் ஒரு துரதிருஷ்ட தோழியின் பிறந்த தின வாழ்த்துப் பா..)

நான் செய்த பாவம் என்னையா..?

2009-04-04T23:12:00.000-07:00

அநுபல்லவி

ஆயிரம் கோடி பிறப்புகள் எடுத்தேன்..
உன் காலடி சேர முடியவில்லை... உன்
ஆலயம் தோறும் காவடி எடுப்பேன்..
எனக்கினி வேறு வழியுமில்லை..
முருகா..

பல்லவி

நான் செய்த பாவம் என்னையா..?
இந்த மானிட பிறப்பை எடுத்துவிட்டேன்.. –2X
யார் செய்த சாபம் சொல்லையா - இன்னும்
வாழ்க்கையின் பிடியினில் தவிக்கின்றேன்..

(நான் செய்த..

சரணம்

ஒவ்வொரு சஷ்டியும் விரதம் இருந்தேன்..
மனதினில் அமைதியில்லை..
ஒவ்வொரு விடியலும் உனை தொழுதேன்..
உன் அருள் கிடைக்கவில்லை.. X 2

(நான் செய்த..

ஔவையின் தமிழை கேட்டு ரசிக்க..
நேரினில் காட்சி தந்தாய்..
சுட்ட பழம் வேண்டுமா.. சுடாப்பழம் வேண்டுமா
சிறுவனாய் பரீட்சை செய்தாய்..
உன் நாமம் தவிர வேறொன்றும் அறியேன்..
தினம் உனை பாடுகின்றேன்- உன்
திருப்புகழை.. நான் பாடி நீ கேட்க..
ஏன் இன்னும் வரவில்லை..

(நான் செய்த..

இசைவட்டு : புளிசாதம்
பாடலாக்கம் : K.கிருஷ்ணமூர்த்தி
இசை : நாதன்

பாடலை ஒலி வடிவில் கேட்க கீழே சொடுக்குங்கள்..

Ayiram kodi.mp3 -

நாயகனே.. விநாயகனே..

2009-04-02T06:31:00.000-07:00

பல்லவி

நாயகனே.. விநாயகனே.. -2x
நலங்கள் சேர்க்கும் நாயகனே.. -2x
தூயவனே.. எனை ஆள்பவனே
துதிக்கை உடைய தூயவனே.. (நாயகனே

சரணம்

ஒரு புறம் புத்தியை ஏந்தி..
மறு புறம் சித்தியை ஏந்தி
பிரணவமாக இருப்பவனே.. ஆ.. –2x
துதிக்கையில் பிரணவத்தை காப்பவனே.. (நாயகனே

பார்வதியால் சாபம் பெற்ற
நந்திதேவன் குறையும் நீங்க.. -2x
அருகினை அவனிடம் ஏற்றவனே
ஜெயம்தரும் அருகம்புல் நாயகனே

வியாசருடன் சபதம் செய்து..
பாரதம் எழுதச் சென்று..
தந்தத்தை தந்த தயாளனே
அபயம் அருளும் ஆண்டவனே.. (நாயகனே

இடுப்பினில் அரவம் கொண்டு..
குண்டலினி சக்தியை தந்து..
அங்குசத்தால் குறைகள் தீர்ப்பவனே..
முதலே.. மூஷிக வாகனனே .. (நாயகனே

இசைத்தட்டு : புளிசாதம்
பாடலாக்கம் : K.கிருஷ்ணமூர்த்தி.
இசை : நாதன்

பாடல் ஒலி வடிவில்..

Nayaganey.mp3 -

இறைவன்

2009-03-27T08:08:00.003-07:00

இறைவன் என்றும் ஒன்றானான்.. அவன்
அருளும் போது இரண்டானான்.. X 2

மூன்று காலமும் வாழ்கின்றான்.. அவன்
மூன்று குணங்களும் தானானான்..
அன்பு, அறிவு ஆற்றல்..

இறைவன் என்றும் ஒன்றானான்.. அவன்
அருளும் போது இரண்டானான்..

நான்கு வேதத்தில் வாழ்கின்றான்.. அவன்
நான்கு திசையும் ஆள்கின்றான்..
சீலம் நோன்பு செறிவு அறிவு..

இறைவன் என்றும் ஒன்றானான்..
அவன் அருளும் போது இரண்டானான்..

படைத்தல் காத்தல்
அழித்தல் துடைத்தல்.. மறைத்தல்
ஐந்து தொழில்கள் செய்கின்றான்..
ஐந்து புலன்கள்.. ஐந்து பூதங்கள்..
என்று எதிலும் ஐந்தானான்..

இறைவன் என்றும் ஒன்றானான்..
அவன் அருளும் போது இரண்டானான்..

ஆறு வழிகள் அவனடி சேறும்..
ஆறு மதமும் அவன் புகழ் கூறும்..
ஓரறிவாயினும் ஆறறிவாயினும்
அனைத்து உயிர்க்கும் முதலானான்..

இறைவன் என்றும் ஒன்றானான்..
அவன் அருளும் போது இரண்டானான்..

ஏழு அண்டமும் அவனுள் அடங்கும்..
ஏழு பிறப்பும் அவன் சொல்லி பிறக்கும்..
எட்டு குணங்களும் அவனுள் இருக்கும்.. ஆ.. - X 2
எட்டு சித்தியும் அவனிடம் கிடைக்கும்.. X 2

இறைவன் என்றும் ஒன்றானான்..
அவன் அருளும் போது இரண்டானான்..

பாடலாக்கம்:
K.கிருஷ்ணமூர்த்தி

(எங்களின் புளிசாதம் எனும் இசைத்தட்டுக்காக, திருமந்திரத்தின் முதல் மந்திரத்தைத் தழுவி இயற்றிய பாடல் இது.)

பாடல் ஒலி வடிவில்..

Iraivan.mp3 -

தேவை இல்லை!

2009-03-27T07:12:00.000-07:00

வீடில்லை
கூடில்லை..
வாடகை
தரவும் காசில்லை..

சோறில்லை
நீறில்லை
சோதனைக்கு
ஓர் எல்லையில்லை..

ஊனில்லை
உறக்கமில்லை
என் உயிரே
எனக்கு சொந்தமில்லை...!

ஏடில்லை
எழுத்தில்லை..
ஏட்டுக்கல்வியும்
எனக்கில்லை..

மானமில்லை
ஈனமில்லை
மேனியிலே
நல்ல துணியுமில்லை..

கூனுமில்லை
குருடுமில்லை
ஆனாலும்
குடித்தனம்
எனக்கு தேவையில்லை..!

வேலையில்லை
வெட்டியில்லை
வேதனையை
சொல்லி அழ யாருமில்லை..

அழகில்லை
அறிவுமில்லை..
ஆறுதல் சொல்லவோர்
நாதியில்லை..

கண்ணனில்லை
மன்னனில்லை
உன்
காதலுக்கு
ஏற்றவன் நானில்லை..!!

K.கிருஷ்ணமூர்த்தி

தலையணை மந்திரம்

2009-03-24T04:56:00.000-07:00

பட்டில் புடவை கட்டி

பாவை நான் இங்கிருக்க..

தொட்டில் உறங்க வைச்சு

துணை சேர காத்திருக்க..

கட்டில் கதை படிக்க

கண் முழிச்சி வேர்த்திருக்க..

தட்டில் பால் பழமும்

மாமனுக்கு காத்திருக்க..

"யாரோ தானே மாமியார்

எனக்கு என்ன தேவையா..?

மோரோ கூழோ கொடுப்பாங்க

மூத்தவரு கிட்ட அனுப்புங்க..

ஊரோ உலகோ பழிச்சாலும்..

ஒன்னும் கெட்டுப் போகாது..

காரோ வீடோ வாங்கிப்புட்டா..

கடுதாசி போட்டு அழைச்சிக்கலாம்..!"

தலையணை மந்திரம் நான் போட

தாயும் மகனும் பிரிஞ்சாங்க..

சிலையென என்னைக் கண்டவுடன்

சிந்தனை எல்லாம் இழந்தாக..

சரியென அண்ணன் வீட்டுக்கு

சாயங்காலம் போனாக..

விதியென எண்ணி அத்தையுந்தான்,

விம்மிக் கொண்டே போனாங்க..!

ஆவி கொதிப்பதை நான்

ஆருகிட்ட சொல்லி அழ..?

பாவி மனுசன் அவன்

இன்னும் வந்து சேரலையே!

கூவி விடிய வைக்க

கோழியுந்தான் வந்திருச்சே..

தேவி எனை மறந்து,

தேவருந்தான் போனதெங்கே..??!!

-K. கிருஷ்ணமூர்த்தி

(இது வெறும் கற்பனைக் கதைக் கவிதையே. அன்னையை கூட்டிக்கொண்டு போன கணவன் வீடு திரும்பவே இல்லை. மாமியாரையும் பெற்ற தாய் போல போற்றுவதே நமது பண்பாடு.. .)

அண்ணன் வேதமூர்த்தி

2009-03-21T09:05:00.000-07:00

அண்ணா..

எங்களின் வலியை சுமந்து..

எங்களின் விதியை நினைந்து..

எங்களின் கதியை உணர்ந்து..

உன்

இதயம் வலிக்கிறது..

எங்களின்

இதயம் கணக்கிறது..!

அண்ணா..

நாதியற்ற

சமுதாயத்திற்காய்

குரல் கொடுத்தாய்..

இன்று

நாதியற்று..

அயல்நாட்டில் கிடக்கிறாய்..

நன்றி இருக்கும்

ஒவ்வொரு

தமிழனுக்கும் தெரியும்..

நீ..

பயத்தால் ஓடவில்லை..

பாசத்தால் ஓடினாய்..!

நீ புலி..

பதுங்கினாய்..

பாய்ந்தாய்..

இன்னமும் பாய்வாய்..

எங்களுக்குத் தெரியும்.. !

பாரதத்தில்..

உன்னைக் கண்டு..

உள்ளுக்குள்ளேயே

'ஒன்னுக்கு' போன
தலைவர்களுக்கும்

அது தெரியும்..!

ஊமைத்

தோழர்கள் கூட

உனக்காய்

உரிமைக்குரல் எழுப்புகின்றனர்..

மேடைப் பேச்சு

அரசியல்வாதிகள் மட்டும்..

மலடுகளாய்

மௌனிக்கிறார்கள்..!!

அண்ணா...

உன் இதயம்..

வித்தியாசமாக

வீங்கவில்லை..

எங்களின்

விதியை

எண்ணி எண்ணி

வீங்குகிறது..!!

"சமபந்தி"

கிடைக்காத சமுதாயத்தை

எண்ணி.. எண்ணி..

சமமில்லாமல் வீங்குகிறது..

எங்கள்

இருதயத்தின்

இரத்த நாளங்களில்..

அன்று

அழுத்தம் குறைந்ததும்

உன்னாலே..

அதுவே இப்போது

அதிகரிப்பதும்

உன்

நிலையாலே..!!!

உன்

பெயர் சொன்னால்..

அரசியல்வாதிகளுக்கு

ஆத்திரம் வருகிறது..

ஆண்டவனுக்கோ..

அதிர்ஷ்டம் வருகிறது..!!!

ஆம்..

அர்ச்சனைச் சீட்டுகள்

எல்லாம்..

இங்கே

உனக்காக

தீர்ந்து விடுகின்றனவாம்..!

ஆருயிர் அண்ணா..

என்றும்..

எங்கள் இதயம்

விட்டு விட்டு துடிக்கலாம்..

ஒரு போதும்..

உன்னை

விட்டுவிட்டு துடித்திடாது..!!

***

கண்ணீருடன்..

நம்பிக்கையுடன்

உனக்காய்

பிரார்த்தனை

செய்யும்

தம்பி..

-K.கிருஷ்ணமூர்த்தி

அவமானம்

2009-03-17T08:23:00.000-07:00

வேசிக்கு

வெகுமானம்

வயது இருக்கும் வரை..

தாசிக்கு

தன்மானம்

தாழ் போடும் வரை..

வேங்கைக்கு

அவமானம்

வேழம் வாழும் வரை..

வேரலுக்கு

அவமானம்

நாதம் தோன்றும் வரை..

விண்ணுக்கு

அவமானம்

நிலவு தோன்றும் வரை..

மண்ணுக்கு

அவமானம்

பயிர்கள் வாடும் வரை..

பெண்ணுக்கு

அவமானம்

பெண்மை மூடும் வரை..

கண்ணுக்கு

அவமானம்

காட்சி தோன்றும் வரை..

மருந்துக்கு

அவமானம்

காயம் ஆறும் வரை..

பருந்துக்கு

அவமானம்

பதுங்கி வாழும் வரை..

நண்பா..

நமக்கு

அவமானம்..

மடிந்து வாழும் வரை..!

அனுதினம் சாவது ஏன்..?

ஒருதினம் சாவது மேல்..!!!

--K. கிருஷ்ணமூர்த்தி

சீதை..

2009-03-14T05:09:00.000-07:00

ஒரு சீதை
தீக்குளிக்கிறாள்..

பேதை
அவளுக்கு
வேறென்ன தெரியும்..?

ஒரு சீதை
தீக்குளிக்கிறாள்..

அவளின்
வழக்குமன்றத்தில்..

நீதி தேவதையின்

செவிகள்..

செதுக்கப்பட்டு விட்டன..!

இங்கே..

நீதிபதிதான்

வாதி..

மனம் கல்லாய்ப்போன

சுயநலவாதி..!

சாட்சிக் கூடத்திலோ..

ஊமை இராமன்..!

பேதை அவள்

வேறென்ன செய்வாள்..??

ஒரு சீதை
தீக்குளிக்கிறாள்..!

- K.கிருஷ்ணமூர்த்தி

சிறைப்பறவை

2009-03-13T07:22:00.000-07:00

இந்த,

சம்பிரதாயச் சிறைக்குள்

விரிக்க முடியா

சிறகுகள்..

வானத்தை

தொலைத்துவிட்ட

பறவை

மீண்டும்

பறக்க நினைக்கிறது..

நியாயம்தான்..

பறந்தால்தானே

பறவை..!

இது,

உடைந்துவிட்ட

சிறகல்ல..

விதியின் சதியில்

நனைந்துவிட்ட

சிறகு..

கால வெய்யிலில்

ஓர் நாள்

உலர்ந்தே தீரும்..!

அவள்

அணிந்திருப்பது

சோகப் புன்னகை..

சோகத்தை மறைக்க

அடிக்கடி..

சிரிப்புச் சாயம்

கைகொடுக்கிறது..

என்ன செய்வது?

என்றுமே..

உன் இனமே

உனக்கு எதிரி..!!!

இருந்தாலும்

இந்தச் சிறை

உன்னை,

பலப் படுத்தி இருக்கிறது..

பக்குவப் படுத்தி இருக்கிறது..

சிறைக்கதவுகள்

திறக்கும்

ஓசையை மட்டுமே

கேட்டுக் கேட்டு..

அலுத்துவிட்டன செவிகள்..

மரத்துவிட்டது இதயம்..!

சாவியை..

'சாதித்துக்கொண்ட' பிறகு

பந்த பாசச்

சாக்கடையில்

தொலைத்துவிட்டு

தேடும்

ஆண் பறவைகள்..!

அது

தேடும் பணியா?

பாசாங்கா?

எதிர்காலம்...

இந்த

கேள்விக்கு

விடை தெரிந்தால்..

அந்த,

சிரிப்புச் சாயம்

சொந்தமாகிவிடும்

என்,

செல்லத்துக்கு..!

-K.கிருஷ்ணமூர்த்தி

(வாழ்க்கையின் தொடக்கத்திலேயே விவாகரத்துப் பெற்று.. வெறுமையின் விளிம்பில் நிற்கும் ஒருத்தியை, அவளின் இரவுகளுக்கு மட்டும் தாலி கட்டத் துடிக்கும் ஆண் (அ)சிங்கங்களின் அவலத்தை நினைத்து வெகுண்டு எழுதிய கவிதை..)

அடுத்த நூற்றாண்டு

2009-03-12T01:59:00.000-07:00

தெருக்களில் அன்று தாய்ப்பால் விற்கும்,

தாவரங்களுக்கும் தனி வீடு இருக்கும்..

சுறுசுறுப்பு இரயிலில் வாழ்நாள் விரையும்,

சுகாதாரத்திற்காய் சொத்தெலாம் அழியும்..

கறும்புகை முகிலில் அமிலங்கள் பொழியும்,

கரியமிலவாயுவில் பிராணமே கரையும்..

திருமணச் சேர்க்கை தெருவினில் நிகழும்,

தெய்வங்கள் கூட தோன்றிட தயங்கும்.. !!

அன்று.. தெய்வங்கள் கூட தோன்றிட தயங்கும்..!!!

-K. கிருஷ்ணமூர்த்தி

கவிதை

2009-03-11T05:30:00.000-07:00

வசந்தமோ சுகந்தமோ..
என்றும்
உனது இராஜாங்கம்..

நிதம்நிதம் இதம்தரும்
இரவில்
உனது வேதாந்தம்..

நினைத்தது அணைக்கவே
மனதில்
கோடி ஆதங்கம்..

உன்..
மடிதனில் தவழ்வதே
எனது
வாழ்வின் பேரின்பம்..!

என் மூச்சிலே
என் பேச்சிலே
உன் வாசம் வீசும்..

வானம் எங்கும்
தேவர் கூட்டம்
வந்து வாழ்த்தட்டும்..

வாழ்நாளெல்லாம்
உன் ஞாபகம்
தீராத மோகம்...

நீயும் நானும்
சேரும் நேரம்
பூமி பூப்பூக்கும்...

நிஜமே வா..
நினைவே வா..
என்
உயிரின் உருவே வா..
நெஞ்சில் என்றும்
நீயிருந்து..
நீண்ட அமைதி தா..

சுகமே வா..
சுவையே வா..
என்
சோகத் தீர்வே வா...
சாகும் போதும்
நீயிருந்து..
சந்த கீதம் தா..!

-K.கிருஷ்ணமூர்த்தி

குறைகள்..

2009-03-06T00:48:00.000-08:00

அது
இல்லாமல் இருக்க
நாம்..
இறையும் அல்ல..

அதைச்
சுட்டுபவர்கள்
நக்கீரர்களும் அல்ல..!

குறைகளை களையவே
மனிதப் பிறப்பு..
குறைகளை
களைந்துவிட்டால்
இனி ஏது பிறப்பு..??

இங்கே..
யாருக்கு இல்லை
குறை..?

குறையுள்ளவந்தானே
நிறையைத் தேடி
அலைகிறான்..

பையின் கணம்
குறையும்போது
பணத்தைத் தேடி
அலைகிறான்..

அனைக்கும்
அன்பு
குறையும்போது
காதலைத் தேடி
அலைகிறான்..

உடலில்,
வாலிபம்
குறையும்போது
வாழ்க்கையைத் தேடி
அலைகிறான்..

வாழ்க்கையின்
வாலிபம்
குறையும்போது
கடவுளைத் தேடி
அலைகிறான்...!!!

நண்பா..

குறைகளைக் கண்டு
குரைப்பதும்..
நிறைகளைக் கண்டு
நகைப்பதும்..
இயந்திர மனிதனின்
இயற்கை..

அதைச்
சிலர் செய்யாதிருப்பதுதான்..
செயற்கை..!!

குறைகளின்
குணங்களை
குறிப்பறிவதை விட்டுவிட்டு..

குறைகளில்
நிறையைக் காண்போம்..
எழுந்து வா....!!!!!!!

K. கிருஷ்ணமூர்த்தி

வேறென்ன வேண்டும்..?!

2009-03-04T04:45:00.000-08:00

நிலவே நீ பெண்ணாக வேண்டும்..

நட்சத்திரங்கள் கண்ணாக வேண்டும்..

இளவே னில்நீ நடந்துவர வேண்டும்..

இளமை சுகங்கள் கடந்துவர வேண்டும்..

மலரே!என நான்வியக்க வேண்டும்..

மனதில் வந்து மயக்க வேண்டும்..

நிலமே உன்னை ரசிக்க வேண்டும்..

நீஎன்னில் மட்டும் வசிக்க வேண்டும்..

கைவளை சத்தம் கேட்டிட வேண்டும்..

கனிந்த முகத்தில் விழித்திட வேண்டும்..

சைகையில் என்னை அழைத்திட வேண்டும்..

சிறுவன் என்னை குளிப்பிக்க வேண்டும்..

கைவிரல் கொண்டு துவட்டிட வேண்டும்..

காதில் காதல்கதை சொல்ல வேண்டும்..

மைவிழி மெல்ல மலர்ந்திட வேண்டும்..

மௌனம் கலைந்து சிரித்திட வேண்டும்..

தலைமுடி எண்ணிப் பார்க்க வேண்டும்..

தாமரை இதழ் சுவைத்திட வேண்டும்..

சிலைமேனி என் விரல்தீண்ட வேண்டும்..

சீலை களைய சினுங்கிட வேண்டும்..

கலைமான் கண்கள் கவிழ்ந்திட வேண்டும்..

காமன் கலைகள் பயின்றிட வேண்டும்..

களைப்பால் உன்மடி சாய்ந்திட வேண்டும்..

காலைப் பொழுதில் உறங்கிட வேண்டும்..

-K.கிருஷ்ணமூர்த்தி

தாஜ்மஹால்

2009-03-02T19:14:00.000-08:00

உன்னை,

காதல் சின்னம்

என்கிறார்கள்

சில,

கல்நெஞ்சக்காரர்கள்..

உன்னைப்

புகைப்படமாக்கி..

புனித காதலுக்கு

பரிசளிக்கிறார்கள்

பைத்தியக்காரர்கள்..!

சுயநலக்காரன்

ஷாஜஹானை

சரித்திரத்தில் வைக்கின்றன

சில,

ஜடங்கள்..!!!

நீயே சொல்..

மும்தாஜின் சமாதியா நீ..???!!

இல்லை..

உன்னைக்

கொஞ்சம் புரிந்தவன்

சொல்கிறேன்..

உனக்கு

உயிர்தந்த

ஆயிரமாயிரம்

தச்சர்களின்

சமாதி நீ..

கோடிக்கணக்கில்

இல்லத்துக் கிழத்திகளை

நடைபிணங்களாக்க்கிய

பாவத்தின்

சின்னம் நீ...!

மும்தாஜ்

மீண்டும் உயிர்பெற்றிருந்தால்..

காதலர் 'கோர்ட்டில்'

உன்னிடம்

விவாகரத்து கோரியிருப்பாள்..

தன்,

தூய காதலை

மாசுபடுத்திவிட்டான் என்று..

மான நஷ்ட வழக்கு

தொடுத்திருப்பாள்..!!

காதல் கொலைகாரன்

ஷாஜஹானை

எண்ணெயிலிட்டு

வாட்டச்சொல்லி..

எமனுக்கும்..

கருணை மனு

போட்டிருப்பாள்..!

இறுதியில்..

பாவத்தில்

தன் பங்கு தொலைந்திட

தீக்குளித்திருப்பாள்

அந்த

தெய்வப் பெண்...!!!

-K.கிருஷ்ணமூர்த்தி

(இது யாரையும் புண்படுத்த வேண்டும் என்ற நோக்கில் எழுதப்பட்ட கவிதை அல்ல.. )

தர்மம்

2009-02-28T03:16:00.000-08:00

கடல் நீரை

உறிஞ்சி,

மேகமாக்கி..

மழையாய் மீண்டும்

பூமியில் தெளிப்பது

இயற்கையின் தர்மம்..

மழை நீரை

உறிஞ்சி..

மண்ணைப் பிளந்து

விண்ணோக்கி வளரும்..

அது,

தாவர தர்மம்..

தாவர தளைகளை

தனக்கு தீனியாக்கி..

வாட்டமாக வளரும்..

அது,

விலங்கின் தர்மம்..

நீரை குடித்து..

தாவரங்களை புசித்து..

தசைநார்களையும் ருசிக்கும்..

மானிட மிருகங்களே...

உங்களின்

ஆறாம் அறிவென்ன

அறிவியலில்

கரைந்துவிட்டதா..?

குடிக்கும் நீரில்

இரசாயணம் கலப்பதும்

உன் இனமே..

நீ கொஞ்சம்

சொல்லக் கூடாதா?

பழந்தரும் மரங்களை

வெட்டி வெளிநாட்டில்

விற்பவன்..

படித்தவன் தானே..

அதன்,

பின் விளைவுகள்

தெரியாதா..??

ஆவின்..

பால் மட்டும் போதாதாம்..

அதன்

இரத்தம் ஊறிய

இறைச்சியும் வேண்டுமா..??

இரத்தம் கேட்கும் நீ..

யுத்தம் வேண்டாம்

என்றால்..

சத்தமில்லா சிரிப்பு

வருகிறது...!!!

-K கிருஷ்ணமூர்த்தி

இரட்டை அர்த்தம்

2009-02-26T08:01:00.000-08:00

பெண்களே..

பழைய சிந்தனை
பற்றி எரிந்தாலும்..
சற்றும் பதறாத
புதுமைப் பெண்களே..

பைந்தமிழ்ப்
புலவர்களின்
பாட்டில்
பவனிவரும்
பருவப் பெண்களே..

புகழ்ந்து விட்டான்
என்னை
புலவன் ஒருவன்
என்று
பூரித்துப் போகும்
புனிதப் பெண்களே..

அந்த
பொய்ப் புகழ்ச்சியின்
இரண்டாவது அர்த்தம்
தெரியுமா உங்களுக்கு..??

தூரத்து நிலவாம்
நீங்கள்..
அருகே சென்றால்
அவஸ்தை
என்றுதானே அர்த்தம்...

மணங்கமழும்
மலராம் நீங்கள்..
வந்து போகும்
வண்டினத்தின்
அடிமை
என்றுதானே அர்த்தம்..!

அழகாம் நீங்கள்..
ஆபத்தும்
உடன் உள்ளது
என்றுதானே அர்த்தம்..

செதுக்கி வைத்த

சிலையாம் நீங்கள்..

உணர்ச்சியே இல்லை

என்றுதானே அர்த்தம்..!

பெண்களே..
பெருமையின் சின்னங்களே..

இனியும்..
பொய்ப்புகழ்ச்சியில்
பொழுது போக்காதீர்கள்..!

உங்களை
புரிந்தவன் சொல்கிறேன்..

தமிழ் நீங்கள்..
தமிழின்,
'ழ'கரம் நீங்கள்..

'ழ'கரத்தின்
இனிமை நீங்கள்..
இனிமையின்
இன்பம் நீங்கள்..

இன்பத்தின்
உணர்வு நீங்கள்..
உணர்வின்
உயிர் நீங்கள்...

ஆம்..
உயிர்களுக்கெல்லாம்
உரு கொடுத்து
உருவுக்கு
உயிர் கொடுக்கும்
உன்னத
உயிர் நீங்கள்..!!!

K. கிருஷ்ணமூர்த்தி

போலி வாழ்க்கை

2009-02-24T08:32:00.000-08:00

நரைத்து விட்ட

ஞாபகத்தின்

நாடி தொட்டுப் பார்க்கிறேன்..

நேற்று வரை

நடந்து வந்த

கால்தடத்தைப் பார்க்கிறேன்..

வேதனைகள்

சோதனைகள்

வித விதமாய்ப் பார்க்கிறேன்..

வானில் மட்டும்

அதே

ஓவியங்கள்

வியப்புடனே பார்க்கிறேன்..!

வாழ்ந்த வரை

வாழ்க்கை எங்கே

தேடித் தேடிப் பார்க்கிறேன்..

கால் தடுக்கி

விழுந்த இடம்

காணவில்லை வேர்க்கிறேன்...!

சிரிப்பொலிகள்

அழுகுரல்கள்

காதில் விழக் கேட்கிறேன்..

நியாயமில்லா

வாழ்க்கை தன்னை

நினைத்து நினைத்துப்

பார்க்கிறேன்..!

நாணயமே இல்லாதார்

பை நிறைய

நாணயம்..

நாணயமாய் வாழ்பவனை

நகைக்கிறது

ஆணவம்...!

பொதுநலத்தின்

பின்னணியில்

சுயநலத்தின் சுவடுகள்..

சுய நலத்தின்

கௌரவத்தில்

சோரம் போன கொள்கைகள்..!

உலக மகா

தத்துவங்கள்

உரக்க உரக்க பேசுவார்..

ஒன்றிரண்டை

தப்பித்தவறி

ஒப்புவித்தால் ஏசுவார்..!!

தனக்கென்றால்

தலைவலி..

அதுவே பிறர்க்கு

தலைவிதி..!!!

-K.கிருஷ்ணமூர்த்தி

தமிழ்..

2009-02-22T22:15:00.000-08:00

காதலி ஒருத்தி எனக்குண்டு - உயிர்

போகிற வரையவள் நினைவுண்டு..

பாடலில் பலமுறை சொன்னதுண்டு - என்

பாட்டுக்கு பல்லவி அவளென்று..!

தமிழ்.. தமிழ்.. தமிழ்..

அவள் பெயர் தமிழ்...

தமிழ்.. தமிழ்.. தமிழ்..

தமிழெங்கள் உயிர்..

ஓவியத்தோடு ஒப்பித்தால் அது

ஓவியத்தின் பெருமை..

காவியத்தோடு கற்பித்தால் அந்த

காவியமே இனிமை..

அவள் என்றுமே பதினாறு.. அவள்

பிறப்பினை அறிந்தவர் யாரு?

உலகில் உயிர்கள் பிறந்திட்ட அன்றே

பிறந்தவள் 'தமிழ்' என்று கூறு..!

தமிழ்.. தமிழ்.. தமிழ்..

அவள் பெயர் தமிழ்...

தமிழ்.. தமிழ்.. தமிழ்..

தமிழெங்கள் உயிர்..

உலகில் உள்ள அழகிகள் எல்லாம்

அவளுக்கு பின்னே பாரு..

உலகத்துக் கவளை அளித்தது அந்த

தமிழகம் என்னும் ஊரு..

கம்பன் கைகளிலே குழந்தை - அந்த

கந்தன் அருளிய மடந்தை.. -அவள்

சிறப்பை இந்த பாரே போற்ற

உழைப்பவருக்கு நான் உடந்தை!

தமிழ்.. தமிழ்.. தமிழ்..

அவள் பெயர் தமிழ்...

தமிழ்.. தமிழ்.. தமிழ்..

தமிழெங்கள் உயிர்..!

-K.கிருஷ்ணமூர்த்தி

(திருத்தமிழ் வலைப்பதிவில் மறுமொழியாக இட்ட இடுகை)

தாமரை

2009-02-21T20:34:00.000-08:00

குங்கும நிறத்தில்
ஒரு
குழந்தை சிரிக்கின்றது..

இதென்ன..?
சேற்றுக்குள்ளே
சிகப்பின் பிரசவம்..?

அடிப் பைத்தியமே...

இந்த சுட்டெரிக்கும்
சூரியனுக்காகவா
இத்தனைக்காலம்
ஒற்றைக்கால்
தவமிருக்கின்றாய்??

இரு இரு..

இடையில்..
மண்மத வண்டொன்று
நுகர்ந்ததால்
உன் முகம் சிவந்தது
சினத்தாலா..
நாணத்தாலா..?

அல்லது..
நீயும் அந்த
அகலிகை வம்சமா..???

பார்க்கத் தெவிட்டாத
பங்கஜமே..

எனக்கோர் ஆசை..

உன் பருவ மொட்டுக்கள்
பூப்பெய்துவதையும்...

வண்டுகள்
உன்னை மொய்ப்பதையும்..

நீ..
சிருங்காரமாய்ச்
சிணுங்குவதையும்..
சிரிப்பதையும்..

என்றாவது ஓர் நாள்
எனது
இருதய 'கேமராவில்'
பதிவு செய்ய வேண்டும்..

இதோ..
இங்கே,
மனிதர்களுக்குள்
மண்ணுக்காகவும்..
மதத்துக்காகவும்..
பெண்ணுக்காகவும்..
ஏன்..
பிணத்துக்காகவும் கூட
பங்காளிச் சண்டை..

இருதயமே இல்லாத
இவர்களுக்கு மத்தியில்
எனக்கு மட்டும்
என்ன வேலை..?

உன்
மகரந்தங்களுக்கு
மத்தியில்
எனக்கொரு
மாளிகை
அமைத்துத் தா...

அதில்..
நான் மட்டும்
வந்து குடியேர..

-K.கிருஷ்ணமூர்த்தி

விலாசம் தேடும் விழுதுகள்...!

2009-02-18T22:26:00.000-08:00

என்
பேனாவின் புலம்பல்களை
பரிசாய்க் கேட்கும்
பருவப் பெண்ணே..

உன்,
முதல் பார்வையிலேயே..
மயிலிறகாய் இருந்தவன்..
தென்னங் கீற்றானேன்..!!

சுதந்திர அருவியாய்ச்
சுற்றியவனை..
குளத்து நீராய்
கைது செய்ததன்
காரணம் என்ன..?

என் சுவாசத்தையே
எனக்கு
பரிசளித்த தேவதையே..

உன்,
சீற்றத்தையும்
சேர்த்துக்கொள்ள
ஆசைப்படும்
அகராதி நான்..!

***
நீ
சிணுங்கினாய்..
இல்லை..
தென்றலுக்கு
நீ விடும் தூது அது..!

நீ சிரித்தாய்..
இல்லை இல்லை..
மலர்களை மலர வைத்தாய்..!!

நீ முறைத்தாய்..
ம்ஹும்...
என் கவிதைக்கு
இலக்கணம் வகுத்தாய்..

நீ திட்டினாய்..
அதுவும் இல்லை..
என் தமிழுக்கே
உயிர் கொடுத்தாய்..!!!

இப்பொழுதெல்லாம்..
நீ இல்லாத கனவுகளை..
நான்,
கண்டுகொள்வதே இல்லை..!

பெண்ணே..

உன் மௌனங்களுக்கும்
உரை எழுத முடிந்த
எனக்கு...
உன் பேச்சின்
பொருள்காணும்
பொறுமை இல்லையே...!!!

அன்பே,

உன் செயல்களுக்கு

அர்த்தம் கூறும்

அகராதி

என்ன விலை..?

***

உன் நாணத்திற்கோர்
உவமை சொல்ல..
இப்பாரினில்
பொருளே இல்லையே...!

என் பெயரே
எனக்கு..
மறக்கும் வேளையில்
புனைப்பெயர் சூட்டினாய்..

இனியவளே..
உன் உதடுகள்
உச்சரிக்கும் பொழுதுதான்
என் பெயரின்
இனிமை புரிகிறது..!

வசந்தத்திலும் பூக்காத
என் தோட்டம்..
உன் வருகையால்
சட்டென்று பூக்கிறது..!!

உன் பெயரை
மந்திரமாய் ஜபிக்கும்
எனக்கு..
எழுதுவதற்கு மட்டும்
எண்ணமே இல்லை..

பேனா முள் கொண்டு
உன் பெயரைக் கூட காயப்படுத்த
என்றைக்குமே
எனக்கு உடன்பாடில்லை..!

உயிரே..
உன் சுவாசங்கள்
எனை
சுடும் நாள்
வரும் வரையில்
இனி நான்
சுவாசிக்கப் போவதுமில்லை..!!!

- K.கிருஷ்ணமூர்த்தி

(இன்றும் எனது காதலியாகவே இருக்கும் என் மனைவிக்கு நான் பல்கலைக்கழகத்தில் படிப்பதை மறந்து பிதற்றிய பிதறல்..)